Namaz qılan insanın faizə pul alıb-verməsi düzgündür?

11.07.2014

Kimdən:

ayten

Sual:

salam men adam taniyiram ki ondan buna bundan ona faizle borc tapir alir verir faizin vaxti catanda da hemin adam deng eliyir sixisdirir ki bu gun vaxtidi mutleq odemelisen. ancaq bununla bagli hemin shexs namaz qilir oruc tutr quran oxutdurur..xahis edirem cavab vererdiz bu iki emeli eyni anda etmek ne derecede duzgundur..gunah isleyib sora namaz orucla gunahlar yuyulur beyem?? onda her kes gunah ishlesin sonra oruc tutub namaz qilsin mescidlere gedib ibadet elesin ki gunahlari yuyulur..ve hemin evde yasayan diger sakin faiz ve borclarla alinmis yemekden yeyirse o evde yasayirsa hemin adam da gunaha batmis olur? axi bezilerinin elinde deyil mecbur yasadigi sheraite uygun yasamalidir ac qalmamaq ucun haram hadislerein bas verdiyi evde yasamaq mecburiyyetindedi bui zaman o da gunah qazanir? cox sagolun evvelceden

Cavab:

Aleykum salam. Faiz almaq, vermək və bu işdə vasitəçilik etmək dinimizə görə haramdır və böyük günahlardandır. "Rəsulullah (salləllahu aleyhi və səlləm) ribanı (faiz) yeyənə, yedirdənə (burada faiz alan və verən nəzərdə tutulur), (müqaviləni) tərtib edənə, şahidlik edənə lənət etdi və: "Onlar bərabərdirlər", – dedi". (Muslim).
Uca Allah buyurur: "Sələm (faiz) yeyənlər (qiyamət günü) qəbirlərindən ancaq Şeytan toxunmuş (cin vurmuş dəli) kimi qalxarlar... Allah sələmi (sələmlə qazanılan malın bərəkətini) məhv edər, sədəqələri (sədəqəsi verilmiş malın bərəkətini) isə artırar. Allah kafiri, günahkarı sevməz!". (əl-Bəqərə, 275-276).
Həmçinin Peyğəmbər (salləllahu aleyhi və səlləm) demişdir: "(Sahibini) həlak edən yeddi günahdan çəkinin...", və onların şirk, sehr etmək, cana qəsdetmək (onu öldürmək), yetimin malını haqsız olaraq yemək, Riba (faiz) yemək, döyüş meydanından qaçmaq və günahsız mömin qadınları zinakarlıqda ittiham etmək – olduğunu bildirmişdir". (əl-Buxari və Muslim).

Həmin insana Uca Allahın ayələri və Peyğəmbərin (salləllahu aleyhi və səlləm) bu barədə əmrləri xatırladılmalı və tövbə edib bu işə son qoyması ilə bağlı nəsihət olunmalıdır. Namaz qılmağa gəlincə, etdiyi günahdan asılı olmayaraq hər kəs namaz qılmalıdır. Həmin adam ixlasla (səmimi şəkildə) namaz qılmalıdır ki, namaz onu pis əməllərdən qorusun. Uca Allah buyurur: "Kitabdan sənə vəhy olunanları oxuyub namaz qıl. Həqiqətən, namaz çirkin və yaramaz işlərdən çəkindirir...". (əl-Ənkəbut, 45).

Onunla birlikdə yaşayanların həmin qazancdan yemələri məcburiyyət halındadırsa, bu halda onlara günah yoxdur. Peyğəmbər (salləllahu aleyhi və səlləm) demişdir: "Uca Allah ümmətim üçün səhvən, unudaraq və məcburiyyət qarşısında edilənləri bağışlamışdır".

Teqlər:

namaz

ruzi

Paylaş: