Namazdan əvvəl azan və iqamə vermək vacibdirmi?

    15.07.2014
Kimdən: 
aysel
Sual: 
salam namazdan evvel azan ve iqame demek vacibdir yoxsa bunsuz da olar namaz qilmaq?
Cavab: 

Və aleykum Salam. Azan və iqamə oxumaq camaat üçün istənilən halda (sə­fər­də, evdə, namazın qəzasını qıldıqda) bir nəfərin etməsi kifayətdir. Tək namaz qılan şəxs üçün isə vacib olmasa da, müstəhəb, yəni bəyənilən əməldir. Qadınlar üçün isə nə azan nə də iqamə vermək vacib deyildir. Lakin səs­lə­ri­ni çox uca qaldır­madan bunu etmələri müstəhəbdir (bəyəniləndir). Peyğəmbər (salləllahu aleyhi və səlləm) demişdir: "Kişi çöllükdə olarkən namazın vaxtı girərsə, dəstəmaz alsın, su tapmadıqda isə təyəm­müm etsin. Namaza iqamə verəndə, onun iki mələyi də onunla namaz qılar. Əgər azan oxuyub iqamə verərsə, arxasında ucu-bucağı görünməyən Allah orduları namaz qılar". (Abdur-Razzaq "əl-Musannəf" əsəri, 1955).
"Nama­za azan verildikdə səma qapıları açılır və dua qəbul olunur". (Əbu Ya'lə, 4072).
"Müəz­zinin (azan verənin) səsini eşidən elə bir cin, insan, ağac və daş yoxdur ki, (Qiyamət günü) ona şahidlik etməsin". (İbn Məcəh, 723, 772).

Azan və iqaməsiz namaz qılan cama­atın namazı səhih hesab olu­nur, lakin vacibi tərk etdiyinə görə tövbə etməsi lazım gəlir. Unutqanlıqdandan və ya bilmə­yərək­dən bunu edənlər isə müs­təsnadır. Qeyd edək ki, azan və iqamə yalnız Cümə və fərz namazları üçün ve­ri­lir.

Teqlər: 
Paylaş: