Saqqal saxlamaq vacibdirsə, hansı işdə işləyək?

    05.10.2014
Kimdən: 
Nicat
Sual: 
2) Dinimizə görə saqqala əl vurmadan (tam qırxmadan və qısaltmadan) saxlamaq vacibdir. Peyğəmbərimiz (sallallahu aleyhi və səlləm) müsəlman kişilərə saqqal saxlamağı buyuraraq belə demişdir: "Bığlarınızı qısaldın və saqqalınızı uzadın". (Müslim, "Səhih" 260, Əhməd, "Mushəd" 2/366). Hər bir müsəlman Uca Allahın buyurduqlarını yerinə yetirməyə və Onun qadağan etdiyi şeyləri də tərk etməyə çalışmalıdır. Saqqal saxlamaq da bu əmrlərdən biri hesab olunur. Ona görə də saqqalı üzrlü səbəb olmadan qırxmaq və qeyd etdiyiniz müxtəlif vasitələlər qısaltmaq günahdır siz cavabinizdir.ozel ve ya ovlet isinde isinde isleyen sexs ailesini saxlamaq ucun isleyir,ve mecburi saqqalini qirxmalidir.indi sizin cavabinizdan bele cixir ki ,insanlar dovlet ve ya ozel islerde islemesin?cunki hec bir dovlet isinde saqqal saxlamaga icaze yoxdu.Hami evde otursun ya ticaret,ekincilikle masgul olsun?
Cavab: 

Salam aleykum. Saqqal saxlamaq Peyğəmbərin (salləllahu aleyhi və səlləm) əmridir: "Bığlarınızı qısaldın və saqqalınızı uzadın". (Muslim: "Səhih", 260; Əhməd: "Mushəd", 2/366). Uca Allah Quranda digər peyğəmbərlərin də saqqalı olmasını bildirmişdir: "(Harun, qardaşı Musaya) belə cavab verdi: "Ey anam oğlu! Saçımdan, saqqalımdan tutma. (Saqqalımı, başımı yolma). Doğrusu, sənin: "İsrail oğulları arasına ayrılıq saldın, sözümə baxmadın!" - deyəcəyindən qorxdum". (Ta Hə, 94). Saqqal tək İslamda yox, hətta xristianlıq və yəhudilikdə də vacib sayılır. Bəzi islam alimlərinə görə saqqalın ən az həddi 4 barmaq uzunluğunda və ya bir ovucdur. Qeyd etdiyiniz məsələ ruzi qazanmaqla bağlıdır, bütün məxluqatın ruzisini verən isə Uca Allahdır. Uca Allah buyurur: "Şübhəsiz ki, ruzi verən də, qüvvət sahibi də, yenilməz olan da Allahdır!" (əz-Zəriyət, 58); "...Allahdan qorxana, Allah çıxış yolu göstərər və ona təsəvvürünə gətirmədiyi bir yerdən ruzi bəxş edər...". (ət-Talaq, 2-3). Peyğəmbər (salləllahu aleyhi və səlləm) demişdir: "Əgər siz Allaha layiqincə təvəkkül etsəniz, O, quşa ruzi verdiyi kimi, sizə də ruzi verər. Belə ki, quş səhər-səhər yuvasından qarnı ac uçub gedir, axşam isə ora tox qayıdır". (ət-Tirmizi: "Zuhd", 33). Həmçinin bunu oxuyun: Ruzinin artması üçün hansı duanı oxumalıyıq və ya nələr etməliyik?
 

Teqlər: 
ruzi
Paylaş: