Aşağıda sadaladığım şeylərə görə İslama inanmıram...
Əvvəlcə rəqəmlərdən başlayaq, burda bəzi rəqəmlərin sübutu yoxdur, məsələn, tək tanrıya ibadət etməyin tarixi kimi. Əslində Uca Allah ilk insanı yaratdığı gündən yalnız Allaha ibadətin tarixi başlayır, daha sonra isə bir-birinin ardınca peyğəmbərlər göndərilərək insanlar yalnız Allaha ibadət etməyə çağrılmışdır. Quranda Allahın dünyanı altı günə yaratması, amma bu günlərin bizim günlərdən fərqli olduğu bildirir. Bu siz yazdığınız rəqəmlərlə ziddiyyət təşkil etmir, çünki hətta 11-ci sinif Fizika dərsində şagirdlər də bilir ki, zaman nisbi ola bilər. Uca Allah buyurur: "Mələklər və Ruh (Cəbrail) Ona doğru sayı əlli min ilə bərabər bir gün ərzində qalxırlar". (əl-Məaric, 4).
Başqa bir ayədə isə buyurulmuşdur: "Rəbbinin yanında olan bir gün sizin saydığınızın min ili kimidir!" (əl-Həcc, 47).
Həvva Adəmdən yaradılmışdır, bir qardaşın digərini öldürməsinin isə harası qəribədir, məgər belə şey eşitməmisiniz? Uca Allah buyurur: "Ey insanlar! Sizi tək bir candan xəlq edən, onun özündən zövcəsini yaradan və onlardan da bir çox kişi və qadın törədib yer üzünə yayan Rəbbinizdən qorxun!" (ən-Nisa, 1).
onların meyvələrindən və öz əlləri ilə becərdiklərindən yesinlər. Bəs onlar şükür etməyəcəklərmi? Yerin bitirdiklərindən, insanların özlərindən və bilmədiklərindən bütün cütləri yaradan Allah pakdır, müqəddəsdir. Gecə də onlar üçün bir dəlildir. Biz gündüzü ondan ayırıb çıxaran kimi onlar zülmət içində qalırlar. Günəş də özünün qaldığı yerə axıb gedir. Bu, Qüdrətli, Bilən Allahın əzəli hökmüdür. Ay üçün də mənzillər müəyyən etmişik. Nəhayət, o tədricən dönüb xurma ağacının qurumuş budağı kimi əyri olur. Nə günəş aya çatar, nə də gecə gündüzü keçə bilər. Onların hər biri öz orbiti ilə üzüb gedir". (Ya Sin, 34-40).
Digər bir ayədə də buyurulur ki: "Yeddi göyü təbəqələr şəklində quran Odur. Sən Mərhəmətli Allahın yaratdığında qətiyyən bir uyuşmazlıq tapmazsan. Bir başını qaldırıb göyə diqqət yetir, heç onda bir çat görürsənmi? Sonra göz gəzdirib təkrar bax. Göz zəlil və yorğun halda özünə tərəf dönəcəkdir". (əl-Mulk, 3-4).