Bidət və paltarı qısaltmaq barədə

Aleykum salam. Bidət sözünün hərfi mənası öncə edilməyən bir şeyi ixtira etmək, icad etmək deməkdir. Bidət dinə gətirilən yeniliklərə deyilir. Peyğəmbərimiz dini məsələlərdə yenilik gətirməyi qadağan etmiş və belə demişdir: “Bizim bu işimizə (dinimizə) onda olmayan bir şeyi gətirərsə, bu, rədd olunar.” (Səhih əl-Buxari, 2697). Bu və digər bidətlə bağlı səhih hədislərdən məlum olur ki, bidət etməyin qadağan olunması dini məsələlərə aiddir və bunun dünyəvi məsələlərə heç bir aidiyyatı yoxdur. Bu Cavabı buradan oxuyun: Bidət nədir və elm, texnikanın inkişafı bidət sayılırmı? 

Peyğəmbər (salləllahu aleyhi və səlləm) demişdir: "Paltarı uzatmaq izarda, köynəkdə və əmmamədə olur. Kim bunların birini təkəbbürlükdən uzadarsa, Allah qiyamət günü ona tərəf baxmaz" (Əbu Dəvud: "Geyim kitabı"; əl-Buxari, 5783; Muslim, 2085). 
Əbu Zərr rəvayət edir ki, Pey­ğəmbə­r demişdir: “Üç qisim insan var­dır ki, Qiyamət günü Allah onları danışdırmayacaq, onla­rın üzü­nə baxma­ya­caq­ və onları təmizə çı­xar­mayacaq­dır. Üstəlik onları üzücü bir əzab gözləyir”. Əbu Zərr dedi: “Peyğəmbər (buna dəlalət edən) ayəni üç dəfə oxudu. Mən dedim: “Onların ­ü­midləri boşa çıxdı, özləri də ziyana uğradılar. Kimlər­dir onlar, ya Rəsulullah?” Peyğəmbər buyurdu: “(Libasının) ətəyini topuq­dan aşağı uza­dan, verdiyini başa qaxan və yalandan and içməklə malını sırı­­yan (kimsələrdir)”.(Muslim, 106).
Bu və digər səhih hədislərdən məlum olur ki, təkəbbürlük edərək paltarın ətəklərini uzatmaq böyük günahdır. Bəzi insanlar bu hədisləri dəlil göstərərək bu hökmü yalnız təkəbbürlüklə əlaqələndirirlər. Lakin, buna baxmayaraq paltarı təkəbbürlük etmədən uzatmaq da səhih hədislərə əsasən qadağan edilmişdir. Peyğəmbər demişdir: “Paltarın topuqdan aşa­ğı düşən hissəsinə görə bu topuqlar Cəhən­nəm odunda yanacaqdır” (Səhih əl-Buxari, 5787).
Kim təkəbbürlük etmədən libasınızın ətəyini topuqdan aşağı sal­sa, onu aşağı saldığına görə topuqları Odda yanacaq. Kim də bununla yanaşı təkəbbürlük edərsə, onda daha böyük əzaba düçar olacaq. Qiyamət günü Allah onu danışdır­mayacaq, üzü­nə baxma­ya­caq­ və onu təmizə çı­xar­mayacaq­. Üstəlik onu üzücü bir əzab göz­ləyir.