Aşağıdakı duaların mənasını yaza bilərsinizmi?
Sual:
Salamaleykum. Allah sizdən çox razı olsunki,belə sayt açıb camaatin sualları cavablandıraraq dini bilikləri artırırsınız. Allah sizə daima sabr və həvəs versin,həm öyrənməyə həm öyrətməyə.AMİN.
Sualım isə: bu duaların mənalarını tapa bilmirəm,yazardınız mənaları. "Rəbbiğfirli", "Birrahmətika ya ərhamər rahimin", "Allahummə əntəs salam va minkəs salam təbarəktə ya zəl cəlali vəl ikram". Allah razi olsun. Assalamu aleykum.
Cavab:
Aleykum salam. Allah sizdən də razı olsun. Bu və digər duaların mənalarını Müsəlmanın qalası (dua və zikrlər) kitabçası - dan öyrənə bilərsiniz.
- "Rabbi-ğ-firlii" - "Rəbbim məni bağışla". Həmçinin oxuyun: İki səcdə arasında oturduqda edilən dua
- "Rabbənə əətinəə fi-d-Dunyəə həsənətən va fi-l-Əəxirati həsənətən va qinəə azəəəbə-n-Nəər" -- “Ey Rəbbimiz! Bizə həm (bu) dünyada, həm də axirətdə gözəl nemətlər ver və bizi Od əzabından qoru!” (əl-Bəqərə, 201).
- "Birahmətikə yəə ərhamər-Raahimiin" -- "Mərhəmətinlə, ey Mərhəmətlilərin Mərhəmətlisi"
- "Allahummə əntə-s-Sələmu va minkəs-Sələmu təbəraktə yə zəl-Cələəli vəl-İkraam" -- "Allahım! Salam Sənsən və əmin-amanlıq Səndəndir. Ey əzəmət və ehtiram sahibi! Sən xeyirxahsan". (Muslim, 1/414). Həmçinin oxuyun: Salam verib namazı bitirdikdən sonra edilən zikrlər