Minikdə gedərkən namaz necə qılınır?

    18.01.2014
Sual: 
Salam aleykum. Avtobusda olarken namazi fikirinden kechirerek qilmaq caizdirmi? Allah razi olsun.
Cavab: 

Və aleykum Salam. Miniklə gedərkən lazım olan yerə çatdığınızda namazın vaxtı hələ çıxmayacaqsa, həmin yerə çatıb rahat namaz qılmaq lazımdır. Əgər namazın vaxtının çıxacağından qorxsanız, miniyi saxlayaraq düşüb ayaq üstə namaz qılmaq mümkündürsə, ayaq üstə qılmaq lazımdır, çünki Uca Allah buyurur: "Allah qarşısında mütiliklə durun". (əl-Bəqərə, 238). Peyğəmbərimiz (Allahın ona və ailəsinə salavatı və salamı olsun) demişdir: "Ayaq üstə namaz qıl, bacarmasan, oturaq qıl, bunu da edə bilməsən, uzanıb qıl". (əl-Buxari, 1117). Maşını və ya digər nəqliyyat vasitəsini (avtobus, qatar, təyyarə və s.) saxlayıb düşmək mümkün deyilsə və onun içində ayaq üstə namaz qılmaq imkanı yoxdursa, bu halda oturaraq namaz qılmaq icazəlidir. Uca Allah buyurur: "Allahdan bacardığınız qədər qorxun". (ət Təğabun, 16); "...Allah heç kəsi gücündən artıq yükləməz...". (əl-Bəqərə, 286). Bu zaman əgər qibləyə yönəlmək mümkündürsə, yönəlmək lazımdır, əks halda başqa istiqamətə tərəf namaz qılmaq olar. Qeyd edək ki, nafilə (əlavə) namazları minikdə qılarkən qibləyə yönəlmək vacib şərt deyil, çünki peyğəmbər (Allahın ona və ailəsinə salavatı və salamı olsun) minikdə gedərkən qibləyə yönəlmədən nafilə namazları qılmışdır. (əl-Buxari, 1094). Namazın sözlərini fikirdən keçirərək qılmaq isə icazəli deyil. Hətta səssiz namazlarda da dil və dodaqlar sakitcə tərpənməlidir.

Teqlər: 
Paylaş: