Təşəhhüddə salavat duasından sonra "rabbənə ətinə" duasını oxumaq olar?

Aleykum salam. Birinci təşəhhüddə buna ehtiyac yoxdur. Amma sonuncu təşəhhüddə isə bu duaları oxumağınız məsləhətdir. 
Sonuncu təşəhhüddə salavatdan sonra oxunan dua­lar;
Əbu Hureyrə (Allah Ondan razı olsun) rəvayət edir ki, “Peyğəmbər (sallallahu aleyhi və səlləm) namazda dua edib deyərdi: “Allahummə inni əuzu bikə min azəbi-l-qabri va min azəbi-n-nari va min fitnəti-l-məhyə va-l-məməti va min fitnəti-l-məsihi-d-dəccal”.  (Buxari, 1377).
Duanın tərcüməsi: “Allahım! Həqiqətən mən qəbr və cə­hən­nəm əzabından, həyatın və ölümün fitnəsindən və mə­sihi-d-dəccalın fitnəsinin şərindən Sənə sığınıram!”.
Başqa rəvayətdə: Təşəhhüddə dörd şeydən Allaha sı­ğı­nın: “Allahummə inni əuzu bikə min azəbi cəhənnəm va əu­zu bi­kə min azəbi-l-qabr va əuzu bikə min fitnəti-l-məhyə va-l-mə­məti va əuzu bikə min şərri fitnəti-l-məsihi-d-dəc­cal”.  (Müslim, 1324).
Həmçinin "rabbənə ətinə" duasını da bunlara əlavə etməyiniz namazın "müstəhəb" (bəyənilən) əməllərindəndir.