Valideyni günah edənin namazı qəbul olurmu?

Va aleykumus-Sələm va rahmətullahi va bərakətuhu.
1. Valideynlərin etdiyi günahlar sizin namazınızın qəbul olmasına heç bir maneə yaratmır və heç kim başqasının günahına görə cəza çəkmir. Uca Allah buyurur: "Heç bir günahkar başqasının günah yükünü daşımaz". (ən-Nəcm, 38).
"Kim doğru yolla getsə, xeyri onun özünə olar, kim azğınlığa düşsə, ziyanı da onun öz əleyhinə olar. Heç bir günahkar başqasının günahını daşımaz...". (əl-İsra, 15).
Lakin, bütün bunlarla yanaşı övlad çalışmalıdır ki, valideynlərini haramdan çəkindirsin və onları gözəl əxlaqla haqqa dəvət etsin. Uca Allah buyurur: "İnsanları Rəbbinin yoluna hikmətlə, gözəl öyüd-nəsihətlə dəvət et və onlarla ən gözəl tərzdə mübahisə et. Şübhəsiz ki, Rəbbin azğınlığa düşənləri də, doğru yolda olanları da yaxşı tanıyır". (ən-Nəhl, 125). Həmçinin oxuyun:
İslama dəvət necə olmalıdır? 
Övladın valideyninə haqqı başa salması icazəlidirmi?
2. Valideynlərə tabe olmaq vacibdir, amma günah işlərdə onlara tabe olmaq olmaz: "Biz insana valideynləri ilə gözəl davranmağı buyurduq. Əgər onlar bilmədiyin bir şeyi Mənə şərik qoşmağın üçün səni məcbur etsələr, onlara güzəştə getmə...". (əl-Ənkəbut, 8). Peyğəmbər (Allahın ona və ailəsinə salavat və salamı olsun) buyurmuşdur: "Xaliqə (Allaha) asilikdə məxluqa (insana) itaət etmək olmaz". (İmam Əhməd və qeyriləri).