Quran oxumağı unutmaq günahdırmı?
Sual:
salam menim evimde cox quran var evveiier oxuyurdum hetda dersinde almiwam amma sonralar unutdum en sevdiyim quranimi ziyaretgaha verdim bu gunahdirmi onceden tewekkur edirem
Cavab:
Və aleykum Salam. Qurani-Kərimi oxumağı unutmaq heç bir müsəlmana yaraşan hal deyil. Uzun bir hədisdə Peyğəmbər (Allahın ona və ailəsinə salavatı və salamı olsun) buyurur: "Mən bu gecə yuxuda iki nəfər gördüm. Onlar mənim yanıma gəldilər və əlimdən tutub müqəddəs torpağa (Şama) apardılar. Arxası üstə yerə uzanmış bir nəfərin yanına gəldik. Onun başı üstündə başqa birisi dayanmışdı, əlində də böyük bir daş var idi. O, bu daşla uzanmış adamın başını əzirdi. Daşı hər dəfə onun başına vurduqda, daş yumbalanıb gedirdi. Gedib daşı götürüb uzanan adamın yanına qayıdanadək onun başı bitişərək əvvəlki halına qayıdırdı. Adam gəlib yenə onun başını əzirdi. Mən: "Bu kimdir?" - deyə soruşdum. Mənə: "Get!" - dedilər. Biz yolumuza davam etdik". Hədisin sonunda həmin iki nəfər həmin insanın kim olduğunu Peyğəmbərə (salləllahu aleyhi və səlləm) deyirlər: "....Başı əzilən adam isə o kimsədir ki, Allah ona Quranı öyrətmiş, lakin o gecələr (namaza) yatıb qalmış, gündüzlər isə Qurandakılara əməl etməmişdir. Qiyamət gününədək onun başı beləcə əziləcək..." . (əl-Buxari, 1386). Onu ziyarətgaha deyil, məscidə vermək lazımdır. Çünki, ziyarətgah dediyimiz yerlər qəbirlər olan ərazilərdə tikilib. Halbuki, Peyğəmbər (Allahın ona və ailəsinə salavatı və salamı olsun) qəbristanlıqda məscid tikməyi qadağan edib. Belə ki, Peyğəmbər (Ona və ailəsinə Allahın salavatı və salamı olsun) buyurur: "Allah yəhudilərə və nəsranilərə lənət eləsin! Onlar peyğəmbərlərinin qəbirlərini ibadətgaha çevirmişlər". (əl-Buxari, 1330). Yaxşı olardı ki, ərəb əlifbasını öyrənib yenidən Quran oxumağa başlayasınız. Əlifbanı bu kitabla öyrənə bilərsiniz: Quran Əlifbası
Həmçinin oxuyun:
Quran oxumağın savabı haqqında
Pirləri ziyarət etmək və onlardan yardım diləmək düzgündürmü?