Bəqərə surəsinin 63 və 93-cü ayələrinin izahı necədir?
Sual:
Salam aleykum. Əl Bəqərə surəsi 63 və 93cü ayələrdə dağı başınızın üstündə qaldırdıq deyəndə nə qəsd edilir. Haqqınızı halal edin. Salam aleykum.
Cavab:
Və aleykum Salam. Uca Allah buyurur: "Bir zaman sizdən əhd-peyman aldıq, dağı başınız üstünə qaldırdıq və buyurduq: "Sizə verdiyimizdən möhkəm yapışın və onun içindəkiləri yada salın ki, bəlkə Allahdan qorxasınız!" (əl-Bəqərə, 63). Qısa olaraq: Burada məqsəd itaət etməyənlərin üzərinə mələklər vasitəsilə qaldırılan dağdır. Onlara deyilmişdi ki: "Kitabı götürün! Əks halda bu dağı sizin üzərinizə buraxacağıq". Bundan sonra yəhudilərdən ayədə deyilən əhd alınır. (ət-Tabəri "Təfsir" 158-162). əl-Bəqərə surəsinin 93-cü ayəsi də bu mənadadır.