Sarımsaq yemək namazı batil edirmi?

Va aleykum Salam. Bir müsəlmanın sarımsaq və ya soğan yeməsi, ağzından pis qoxunun gəlməsi namazı batil etmir. Buna baxmayaraq səhih hədislərdə insanın namaz qılarkən mələklər tərəfindən müşahidə edildiyi və insandan gələn qoxunu hiss etdikləri haqda xəbər verilir. Peyğəmbərimiz (Allahın ona və ailəsinə salavatı və salamı olsun) demişdir: "Kim bu pis qoxu verən tərəvəzlərdən (sarımsaq və soğan) yesə, məscidimizə gəlməsin. Həqiqətən mələklər insanların xoşlanmadığı şeylərdən xoşlanmazlar". (Səhih Muslim, 564).
Sarımsaq və soğan yemək haram sayılmır. Bu qadağa digər insanlara əziyyət verməmək məqsədi daşıyır. Sarımsaq, soğan və kəvər kimi pis qoxu verən tərəvəzlər yeyənin məscidə, camaat namazına və ya camaatın toplaşdığı yerlərə gəlməsi qadağan edilir. Bişirildiyi və pis qoxunun getdiyi təqdirdə qəbul edilərək məscidə getməyə icazə verilir. Ümumiyyətlə namaz qılan insan ağzından və paltarından pis qoxunun gəlməməsinə diqqət yetirməlidir. Həmçinin oxuyun:
Sarımsaq və soğanı özünə haram etmək günahdırmı?
Tər qoxusu gəldiyi halda namaz qılmaq olarmı?