Namaza başlayandan qorxulu yuxular görürəm, bu nə ilə əlaqədardır?

Salam aleykum. Namaza başlamanız münasibətilə sizi təbrik edirik və Allaha dua edirik ki, sizi bağışlayaraq Cənnətdə saysız-hesabsız nemətlər verdiyi qullarından etsin! Bilin ki, şeytan namaza başlayan insanlara müxtəlif üsullarla təsir etməyə çalışır. Şeytanın azmış insanla işi olmur, o əsasən Allahın yolunu tutmaq istəyən və ya yeni tutan insanlara təsir etməyə çalışır. Uca Allah Adəmi İblisdən üstün tutduğu üçün İblis Allaha Adəm övladlarını azdırmağı vəd verdi. Uca Allah bu xüsusda buyurur: "İblis dedi: "Onların diril­diləcəyi günə qədər mənə möh­lət ver". Allah dedi: "Şübhəsiz ki, sən möh­lət verilənlərdənsən". İblis dedi: "Sən məni yol­dan çı­xart­dığına görə mən də Sə­nin düz yo­lu­nun üstündə oturub insanları tov­la­ya­ca­ğam. Sonra onların yanına ön­lə­rindən və arxalarından, sağ­la­rın­dan və sol­la­rın­dan gələcə­yəm və Sən onların ək­sə­riy­yə­ti­ni şükür edən görməyə­cək­sən". Allah buyurdu: "Oradan mənfur və qovulmuş halda çıx! On­lardan hər kəs sənin ar­dın­ca getsə, əlbəttə, Cə­hən­nəmi si­zin ha­mınızla doldu­raca­ğam. Ey Adəm, sən zövcənlə birlikdə Cənnətdə sakin ol. Bə­yən­diyiniz yer­lər­də yeyin, an­caq bu ağaca yaxın­laş­ma­yın! Yox­sa öz­lə­ri­nə zülm edənlər­dən olar­­sı­nız". (əl-Əraf, 16-19). Buna görə də, belə yuxulara fikir verməyin və səhər-axşam zikirlərini, habelə yatarkən deyilən zikrləri müntəzəm deyin. Həmçinin oxuyun:
Pis yuxulardan necə qorunmaq olar? 
Pis yuxu görən nə etməlidir?
Səhər və axşam zikrləri