İçki şirkətində işlədiyinə görə namazı tərk etmək düzgündürmü?

    11.10.2020
Kimdən: 
Veliyeva Elnare
Sual: 
Salam Aleykum. Menim yoldasim evveller namaz qilirdi sonra icki sirketinde ise basladi namazi terk eddi indi ona namaz qil diyende duzgun olmadigini diyir eli seraba deyir duzgundurmu? Cunki ozu duzgun olmadigini deyir ? Cox sagolun
Cavab: 
Aleykum salam. Həyat yoldaşınız içki şirkətində işləməklə böyük günah qazanır. Peyğəmbərimiz (ona və ailəsinə Allahın salavatı və salamı olsun) demişdir: "Cəbrail yanıma gəlib buyurdu: "Ey Muhəmməd! Həqiqətən, Allah sərxoşedici içkiyə, onu düzəldənə və düzəltdirənə, onu içənə, onu daşıyana və daşıtdırana, onu satana və alana, onu süzənə və süzdürənə lənət etmişdir". (İmam Əhməd, 2899; əl-Hakim, 223; İbn Hibban, 5356). Həmçinin haram işdən əldə olunan pulun bərəkəti də olmur. Haram yemək həm də duaların qəbul olunmasına maneədir. Peyğəmbər (Allahın ona və ailəsinə salavatı və salamı olsun) bir hədisdə uzun səfərə çıxan, saçları dağınıq və üst-başı toz-torpaq içində olan bir kişini misal çəkdi və dedi: "O, yediyi haram, içdiyi haram, geydiyi haram olduğu və haram qazancla qidalandığı halda əllərini göyə qaldırıb: "Ey Rəbbim, Ey Rəbbim!" - deyir. Beləsinin duası necə qəbul olunar?!" (Səhih Muslim, 2393). Odur ki, həyat yoldaşınızı bu işdən çəkindirməyə və tövbə edib namazlarını başlamağa dəvət edin. Həmçinin oxuyun:

Namazı tərk etmək isə daha böyük günahdır. Namaz Allahın haqqıdır. Alkoqollu içkiləri içmək haramdır, lakin bir maddə olaraq natəmizlik sayılmır. Odur ki ona əl vurmaq insanı natəmiz etmir. Bir insanın hər hansı bir günah iş tutması onu digər ibadətlərdən yayındırmamalıdır. Həmçinin ola bilsin namaz qılmaq onu bu günahdan çəkindirsin. Uca Allah buyurur: "Kitabdan sənə vəhy olunanları oxuyub namaz qıl! Həqiqətən, namaz çirkin və yaramaz işlərdən çəkindirir". (əl-Ənkəbut, 45). Odur ki, günah etmək səbəbi ilə ümidsizliyə qapanaraq namazı tərk etmək səhvdir, çünki, heç bir halda Allahın rəhmətindən ümidi üzmək olmaz. Uca Allah buyurur: "Qullarıma mənim bu sözümü de: "Ey Mənim özlərinə qarşı həddi aşmış qullarım! Allahın rəhmindən ümidinizi üzməyin. Şübhəsiz ki, Allah bütün günahları bağışlayır. O, həqiqətən, Bağışlayandır, Rəhmlidir!" Əzab sizə gəlməmişdən öncə Rəbbinizə üz tutun və Ona itaət edin. Sonra sizə heç bir kömək olunmaz". (əz-Zumər, 53-54). Daha ətraflı:

Teqlər: 
böyük günahlar
namaz
Paylaş: