Tövrat və İncil oxuyarkən dəstəmaz almaq lazımdırmı?

    28.11.2025
Kimdən: 
Nura
Sual: 
Salam aleykum menım sualım budu sizin səhifədəki Quranı Kərim kitabı hardan ala bilərəm rayonlara onlayın çatdırılma varmı? Namazdan sonra telefon la oxuyuram Quran Ama isdemirem kı kitab özü olsun Mən necə yerdən maraqlandım sızın seyfede olan kitab satışda yoxdu xaiş edirəm o barədə mənə kömək edə bilərsiz 2cı sualım budu men Qurani-Kərim qabaq olan kitabları (Tovrat Zəbur Incıl )oxumaq istəyirəm onun üçün dəstəmaz almaq lazımdırmı? Onları oxuyanda sababı varmı? Quranı Kərimi necə oxuyuramsa onlarıda o cür oxumalıyamı uzu qıbleye bası baqlı destamazlı
Cavab: 

Və aleykum Salam. 

1) Səhifəmizdə olan Qurani-Kərimin azərbaycan dilində mənaca tərcüməsini dini kitablar satılan mağazalardan ala bilərsiniz. 

2) Qurani-Kərim özündən əvvəl nazil olmuş müqəddəs kitabları (Zəbur, Tövrat və İncil) özündə cəm etdiyi üçün əvvəlki kitabları oxumağa ehtiyac yoxdur. Uca Allah bu xüsusda buyurur: "Biz sənə, özündən əvvəlki kitabı təsdiqləyən və onu qoruyan Kitabı haqq olaraq nazil etdik" (əl-Maidə, 48). İbn Kəsir (Allah ona rəhmət etsin) bu ayənin təfsirində demişdir: "İbn Abbas (Allah ondan razı olsun) demişdir: "Yəni, Quran ona zamindir". Həmçinin demişdir: "Quran özündən əvvəl nazil olan bütün kitablara vəkildir". İkrimə, Səid ibn Cubeyr, Mucahid və başqalarının da belə dedikləri rəvayət edilir. İbn Cureyc demişdir: "Quran keçmiş kitabları hifz edir. Bu kitablarda Qurana uyğun olanlar haqq, ona zidd olanlar isə batildir". İbn Abbas (Allah ondan razı olsun) demişdir: "Yəni, Quran özündən əvvəlki kitabların hakimidir".

Həmçinin Quran bizə bildirib ki, Zəbur, Tövrat və İncil təhrif olunub. Orada haqq olsa da batil də əlavə edilmişdir. Peyğəmbər (ona və ailəsinə Allahın salavatı və salamı olsun) demişdir: “Kitab əhlindən heç bir şey soruşmayın, onlar sizi hidayətə yönəldən deyillər. Belə etmiş olsanız ya gərək batilə inanasınız, ya da haqqı inkar edəsiniz. Əgər Musa indi sizin aranızda sağ olsaydı yalnız mənə tabe olardı” (əl-Musnəd, 3/338-387). Rəvayət edilir ki, İbn Abbas (Allah ondan razı olsun) belə demişdir: "Ey müsəlmanlar! Allahın Öz Peyğəmbərinə nazil etdiyi Kitabınızda (Quranda) Allahın gətirdiyi ən yeni, yalan qatılmamış, xalis Allahın kəlamından ibarət olan xəbərlər oxuya-oxuya, Kitab əhlindən bir şey barədə necə soruşa bilərsiniz? Halbuki, Allah Öz Kitabında sizə bildirmişdir ki, Kitab əhli Allahın onlara endirdiyi Kitabı dəyişərək öz əlləri ilə kitab yazmış, sonra da onunla cüzi miqdarda pul əldə etmək üçün: "Bu, Allah tərəfindəndir!"- demişlər. Sahib olduğunuz biliklər Kitab əhlindən soruşmağın qadağan olunmasına kifayət etmirmi? Xeyr, Allaha and olsun ki, Kitab əhlindən heç kəsi sizlərə endirilən Kitab haqqında sizə sual verən görmədik” (əl-Buxari, 2685, 6929). Həmçinin oxuyun:


Həmçinin qeyd edək ki, Qurani-Kərimi ərəbcə oxuyarkən dəstəmazlı olmaq lazımdır. Başı bağlamaq və qibləyə çevrilmək isə şərt deyil. Ətraflı oxuyun:

Quranı Azərbaycanca oxumağın savabı varmı və oxuyanda dəstəmaz vacibdirmi?

Teqlər: 
təmizlənmə
Paylaş: