Xəstəliyimə görə başımda küfr sözləri eşidirəm, buna görə günah qazanırammı və bu vəziyyətdə nə etməliyəm?

    29.05.2026
Kimdən: 
Fani dünya
Sual: 
Salam mən şizofreniya xəstəsiyəm deyə başımda səslər var dua edəndə küfür şirk sözlərini bərkdən eşidirəm və özüm deyib demədiyimi düşünüb pis oluram mmən necə efim bu vəziyyətdən çıxım tövbə tövbə deyirəm ancaq. Sonra yenə olur 16 yaşımdan beləyəm indi 19 yaşım var
Cavab: 

Və aleykum Salam. Əgər bu sözlər sizin istəyiniz olmadan beyninizə gəlirsə və siz onu inkar edirsinizsə, buna görə günah qazanmırsınız, çünki insan məcbur qaldığı və iradəsi xaricində olan şeyə görə məsul tutulmur. İbn Abbas (Allah ondan razı olsun) rəvayət edir ki, bir kişi Peyğəmbərin (Allahın ona və ailəsinə salavatı və salamı olsun) yanına gəlib belə dedi: "Ey Allahın Elçisi, həqiqətən, qəlbimizdə elə bir şey hiss edirik ki, yanıb kül olmağımız onu danışmaqdan bizə daha xoşdur". O buyurdu: "Allahu Əkbər! Şeytanın işini vəsvəsəyə çevirən Allaha həmd olsun!" (İbn Hibban, 147). 

Siz həm ruqyə və dua ilə Allaha sığınmalı, həm də müalicəni və həkim nəzarətini davam etdirməlisiniz. Bu bir xəstəlikdir və dinimiz belə hallarda müalicə səbəblərinə sarılmağı buyurulmuşdur. Belə vəsvəsələr gəldikdə onlara məhəl qoymayın, sadəcə Allaha sığının və fikrinizi yayındırmaq üçün başqa işlə məşğul olun. Tövbə etməyiniz gözəldir, lakin özünüzü daima küfr etmiş kimi görüb ümidsizliyə düşməyin. Bilin ki, Allah qullarına qarşı rəhmlidir və qəlbdə nifrət olunan vəsvəsələrə görə insanı cəzalandırmaz. Həmçinin oxuyun:

Paylaş: