Zikr nədir və tövbə necə edilir?

Aleykum salam. Zikr xatırlamaq deməkdir. Uca Allahı zikr etmək Onu xatırlamaqdır. İslam alimlərinə görə bütün ibadətlərin buyurulmasında məqsəd Allahı xatırlamaqdır. Uca Allah Musa peyğəmbərə belə buyurur: "Mənə ibadət et və Məni xatırlamaq üçün namaz qıl!" (Ta Hə, 14).
Quran oxumaq, dini söhbətlər etmək, dini elm öyrənmək, Quran ayələri haqqında düşünmək Allahı zikr etmək sayılır. Həmçinin, Uca Allah insanlara xüsusi sözlər söyləməyi buyurmuşdur ki, insanlar onları söyləyərək Allahı yad etsinlər. Peyğəmbər (salləllahu aleyhi və səlləm) demişdir: "Allah kəlmələrdən dördünü seçdi: "Subhəənəllaah, əlhəmdulilləəh, lə iləəhə illəllaah, Allahu Əkbər". Kim "Subhəənəllaah" - deyərsə, Allah ona iyirmi savab yazar və iyirmi günahını silər. Kim "Allahu Əkbər" - deyərsə, eynilə olar. Kim "Lə iləəhə illəllah" - deyərsə, eynilə olar. Kim ürəkdən "Aləmlərin Rəbbi olan Allaha həmd olsun (Əlhəmdulilləhi Rabbil-aləmin)" - deyərsə, ona otuz savab yazılar və otuz günahı silinər".
Bu zikrləri dodaqları tərpədərək söyləmək vacibdir. Həmçinin, müəyyən vaxta və hala görə edilən zikrlər vardır. Peyğəmbər yuxudan oyandıqda, məscidə getdikdə, səhər və axşam olduqda, evə daxil olduqda, evdən çıxdıqda, namaz qıldıqdan sonra, miniyə oturduqda və s. gündəlik zikrlər edərdi. Hər bir müsəlman bu zikrləri zikr və dualar kitablarından əzbərləməyə, mənalarını öyrənməyə və gündəlik həyatında tətbiq etməyə çalışmalıdır. Daha ətraflı: Müsəlmanın qalası (dua və zikrlər) kitabçası   Zikr nədir?

Tövbə haqqında bu məqaləni oxuyun: Tövbə etsəm, Allah bağışlayarmı?