Yağışda edilən dualar haqda...
Sual:
Salam
aleykum.Bildiyimizə görə
yağış yağarkən edilən
dua tez qəbul olunur və həmd-səna da etmək
lazımdır.Bəs hər gün
yağış yağırsa dualarımızın
qəbul olunmağa şans çox
olur?Və əgər yağış arzu
olunmaz vaxtlarda
yağırsa necə dua etmək
olar?Həmd etmək
qəlbdən gəlməsə
məcburuqmu etməyə?
Yazda əkinlərə və s.ziyan
olursa yağış yağmaması
üçün dua etmək olmaz?
Və belə halda başqa dua
edərsə qebul olunar?Bu
barədə fikirləriniz. Allah
rizası üçün suallarima
aydın izahatla cavabları
verərdiniz. ALLAH
sizlərə səbr versin.
Cavab:
Və aleykum Salam.
1. Yağış yağarkən duaların qəbul olması haqda hədislər buna dəlildir. Daha ətraflı: Yağış yağarkən dua edin!
2. Dua istəyə bağlıdır, istəsəniz dua edə bilərsiniz, istəsəniz yox. Həmçinin oxuyun: Dualarım qəbul olmur, nə edim?
3. Həmd etməyin qəlbdən gəlməməsi imanın zəifləməsinə işarədir. Daha ətraflı: İmanı artırmaq üçün nə etmək lazımdır?
4. Siz yağışın dayanması üçün də dua edə bilərsiniz. Rəvayət edilir ki, Ənəs ibn Malik (Allah ondan razı olsun) demişdir: “Peyğəmbərin (sallallahu aleyhi və səlləm) yaşadığı dövrdə insanlara quraqlıq üz vermişdi. Peyğəmbər (ona və ailəsinə Allahın salavatı və salamı olsun) cümə günü xütbə verərkən bir bədəvi ayağa qalxıb dedi: “Ey Allahın elçisi, mallar zay oldu, uşaqlar ac qaldı. Bizim üçün Allaha dua et!” Peyğəmbər (sallallahu aleyhi və səlləm) əllərini göyə qaldırdı. O an biz göydə bir dənə də olsun bulud görmürdük. Canım Əlində olan Allaha and olsun ki, o, hələ əllərini aşağı salmamış (başımız üzərində) dağlar qədər buludlar topalaşdı və o, minbərdən yerə enməmiş mən onun saqqalından süzülən yağış damçılarını gördüm. Həmin gün, ertəsi gün, ondan sonrakı gün, daha sonrakı gün – növbəti cüməyədək yağış ara vermədən yağdı. (Cümə günü) həmin bədəvi (və ya başqa birisi) ayağa qalxıb dedi: “Ey Allahın elçisi, evlər dağıldı, mallar su altında qaldı. Bizim üçün Allaha dua et!” Peyğəmbər (sallalahu aleyhi və səlləm) əllərini göyə qaldırıb dedi: “Allahım! (Yağışı) üstümüzə deyil, ətrafımıza yağdır”. Sonra əli ilə hara işarə etdisə, oradakı bulud topası dağıldı və Mədinə (səması) çalaya bənzədi. Qənat vadisində bir ay sel axdı, kənardan (Mədinəyə) gələn hər kəs bol yağışlar yağdığından danışırdı". (əl-Buxari, 933).