Üzü üstə yatmaq, dəstəmaz və digər suallar

Və aleykum Salam.

1. Üzü üstə yatmaq hədisində məqsəd üzü aşağı yatmağın bəyənilməməsidir. əs-Səfərini (Allah ona rəhm etsin) belə demişdir: "Üzü üstə sərilmiş halda yatmaq məkruhdur, yəni onun heç bir üzr olmadan qarnı üstündə yatması məkruhdur, çünki İmam Əhməd Əbu Hureyrədən (Allah ondan razı olsun) belə dediyini rəvayət edir: "Peyğəmbər (salləllahu aleyhi va səlləm) qarnı üzərində uzanmış birinin yanına gəldi və onu ayağı ilə tərpətdi və belə dedi: "Bu cür uzanmağı Uca Allah sevmir". (İbn Hibban, 5550; əs-Səfərini "Ğiza əl-Əlbəb Şərh Mənzumətil-Ədəb" 2/363-364).
Həmçinin, İbn Racəb (Allah ona rəhm etsin) nəql etmişdir ki: "Məsciddə üz üstə sərilmək olmadan istənilən şəkildə uzanmaq icazəlidir, çünki Peyğəmbərdən (salləllahu aleyhi va səlləm) rəvayət edirlər ki, bunu (yəni üz üstə uzanmağı) qadağan etmişdir". (İbn Racəb: "Fəthul-Bəri Şərh Sahih əl-Buxari", 3/405).

2. Dəstəmaz alarkən corabları mütləq çıxarmaq lazım deyil. Dinimiz hər bir çətinlikdə asan bir yol göstərmişdir. Dəstəmaz alarkən corabın üzərindən məsh çəkmək də bu asanlıqlardan biridir. Daha ətraflı: Ayaqda ağrı olarsa, qışda dəstəmazda yumaq əvəzinə məsh etmək olarmı? 

3. Arada kəbin olmadan bu kimi xəyallar qurmaqdan çəkinmək lazımdır. Bu cavabı oxuyun:
Şəhvani xəyallar günahdır? 
Gələcək həyat yoldaşı ilə bağlı xəyallar qurmaq olarmı?