Başqasının əvəzinə namaz qılmaq olarmı?

Salam aleykum. Başqasının yerinə namaz qılmaq olmaz. Hər bir müsəlman namazı Allah qarşısında öz vəzifə borcu olaraq qılmalıdır. Hər kəsin əməli özünə aiddir. Bu xüsusda Uca Allah belə buyurur: "Heç bir günahkar başqasının günah yükünü daşımaz. Yükü ağır olan kimsə öz yükünü daşımaq üçün (başqasını köməyə) çağırsa və çağırdığı kimsə yaxın qohumu olsa belə, o yükdən heç nə daşınmaz...". (Fatir, 18).
"Kim doğru yolla getsə, xeyri onun özünə olar, kim azğınlığa düşsə, ziyanı da onun öz əleyhinə olar. Heç bir günahkar başqasının günahını daşımaz...". (əl-İsra, 15).
"Heç bir günahkar başqasının günah yükünü daşımaz". (ən-Nəcm, 38).
"Hər bir kəs qazandığının girovuna çevrilir". (əl-Muddəsir, 38).
"...Hər kəs qazandığının girovudur". (ət-Tur, 21).
"Kim günah qazanarsa, onu ancaq özünün əleyhinə qazanmış olar. Allah Biləndir, Müdrikdir". (ən-Nisa, 111). Həmçinin oxuyun: Ölmüş insanın əvəzinə namaz qılmaq olarmı?