Çoxlu kredit götürdüyü üçün valideyndən küsmək olarmı?

    25.01.2019
Kimdən: 
Bacı
Sual: 
Assalamu aleykum.Mənim qaynanm artıq necə ildirki banklara borcları var.adı məhkəmələrdədi borclarını oğlu ödədi ev tikitdirk hələdə ev tam hazır deyil indi yenədə onunçun borclu dukanlardan məktub gəlir.sonuncu məktubdan sonra yoldaşım onunla danışmır.güldən ağır söz deməyib sadəcə danışmır.baxmayaq ki anası kafirdi.bir müsəlman oğul belə səsbəblərə görə anası ilə danışmaması düzgündürmü?Sadəcə cəzalandırma məqsədi ilə danışdırmır.Onuda qeyd edim ki qaynanam işləyir yaxşı maaş da alır.Amma özünə belə xərcləmir ancaq borclar.Ətraflı danışmağımda məqsədim məsələnin dərinliklərini bilib mənə cavab verəsiniz deyə yazdım.
Cavab: 

Və aleykum Salam. Faizli kredit götürmək böyük günahlardandır. "Rəsulullah (salləllahu aleyhi və səlləm) ribanı (faiz) yeyənə, yedirdənə (burada faiz alan və verən nəzərdə tutulur), (müqaviləni) tərtib edənə, şahidlik edənə lənət etdi və: "Onlar bərabərdirlər", – dedi. (Muslim, 4177).
Həmçinin, borcu oğlu ödədiyi üçün onun və ailəsinin də haqqına girmiş sayılır. Bununla belə, günah iş görməsinə baxmayaraq valideyni incitmək, cəzalandırmaq üçün ondan küsmək və s. haramdır. Uca Allah buyurur: "Rəbbin yalnız Ona ibadət etməyi və ata-ana ilə yaxşı davranmağı buyurmuşdur. Əgər onların biri və ya hər ikisi sənin yanında qocalıq yaşına dolarsa, onlara: "Uf!" belə demə, üstlərinə qışqırma və onlara xoş söz söylə!" (əl-İsra, 23).
Belə olan halda ona gözəl şəkildə günahın böyüklüyünü izah etmək, Allahdan qorxmağa çağırmaq, haqqa dəvət etmək lazımdır. İbrahim peyğəmbərin atası bütlərə sitayiş etməsinə baxmayaraq İbrahim (aleyhis-sələm) onunla ən gözəl əxlaqla danışıb onu günahdan çəkindirməyə çalışırdı. Uca Allah buyurur: "Bir zaman o, atasına demişdi: "Atacan! Nə üçün eşitməyən, görməyən və sənə heç bir faydası olmayan bir şeyə sitayiş edirsən? Atacan! Həqiqətən, sənə gəlməyən bir elm mənə gəlmişdir. Arxamca gəl ki, səni doğru yola yönəldim. Atacan! Şeytana ibadət etmə! Həqiqətən, şeytan ər-Rəhmana çox asi oldu. Atacan! Qorxuram ki, ər-Rəhmandan sənə bir əzab toxunsun və beləcə şeytana yoldaş olasan". (Məryəm, 42-45).
Ancaq günah işlər əmr edərlərsə, hətta valideyn olsa belə haramlarda heç bir bəndəyə itaət etmək olmaz. Peyğəmbərimiz (salləllahu aleyhi və səlləm) demişdir: "Yaradana asilikdə (qarşı çıxmaqda) yaradılmışlara itaət etmək olmaz". (İmam Əhməd, 1095). Həmçinin oxuyun:
Valideynlə küsülü qalmaq olarmı?
Ata-ananı incitməyin günahı barədə
Bir insanı günahdan necə çəkindirmək olar?

Paylaş: