Ərim çayçıda oturaraq evə gec gəlir, nə edim?

    18.05.2019
Sual: 
Salam Aleykum.Üzr isteyirem yoldaşım her gün 12- 1 de gelir eve. Her gün bunun üstünde davamız düşür.Dostlarıyla çayçıda olur.Deyir men beleyem. Canim çox yanır.Herden Allah In meni sevmediyinu düşünürem(bilmirem ne edim.nece edim?
Cavab: 

Və aleykum Salam. Qeyd etdiyiniz məsələnin Allahın sizi sevib-sevməməsi ilə bir əlaqəsi yoxdur. Müsəlman kişi ehtiyac olmadan evə gec gəlməməlidir, çünki həyat yoldaşına və uşaqlara vaxt ayırmaq kişinin məsul olduğu ailə vəzifələrindən biridir. Peyğəmbər (salləllahu aleyhi va səlləm) belə demişdir: "Hər biri­niz himayəçi­siniz və hər biriniz himayəsində olanlara cavabdehdir. Əmir himayədar­dır və o, öz rəiy­yətinə cavabdehdir. Kişi öz ailəsinin hamisidir və o, öz hima­yəsində olanlara cavabdehdir. Qadın ərinin evinə nəzarət edəndir və o, öz nəzarətində olanlara cavabdehdir. Xidmətçi ağasının malına nəzarət edən­dir və o, buna cavab­dehdir. Hər biri­niz himayəçisiniz və hər biriniz himayə­sində olanlara cavab­deh­dir". (Səhih əl-Buxari, 893). Həmçinin, əgər kişinin evə gec gəlməsinə şəriətə müxalif olmayan zəruri səbəblər varsa, bu zaman daha yaxşı olar ki, bu barədə qabaqcadan həyat yoldaşının nigaran qalmaması üçün onu xəbərdar etsin. Həm siz, həm də sözünü eşidib dinlədiyi insanlar ona bu barədə nəsihət edin. Daha ətraflı:

Ərim mənimlə maraqlanmır, nə edim?

İslam fiqhi: Kişi və qadın haqları

Ailədə münaqişələrin yaranmaması üçün nə etmək lazımdır?

Allah kimləri sevir?

Paylaş: