Ramazanda fitrə zəkatını pul şəklində vermək olarmı?
Sual:
salam aleykum ramazanda fitreni pul seklinde vermek olar birde fitreni ne vaxtacan cixarda bilerik evvelceden cox sagolun
Cavab:
Və aleykum Salam. Fitrə zəkatını pul şəklində vermək icazəli deyil. Baxmayaraq ki, bəzi alimlər fitrə zəkatını zərurət olduqda pul şəklində verməyi icazəli görmüşlər, lakin dəlillər bunu göstərir ki, fitrəni hədislərdə qeyd olunan qida məhsullarından vermək lazımdır. Abdullah ibn Ömər (Allah ondan və atasından razı olsun!) demişdir: "Peyğəmbər (Allahın ona və ailəsinə salavatı və salamı olsun) (Ramazan bayramında) fitrə zəkatı olaraq müsəlmanlardan köləyə və azad insana, kişiyə və qadına, kiçiyə və böyüyə bir saa xurma və ya bir saa arpa verməyi vacib buyurmuşdur. Peyğəmbər (salləllahu aleyhi və səlləm) fitrə zəkatını, camaat (bayram) namazına çıxmamışdan əvvəl verməyi əmr etmişdir". (Səhih əl-Buxari, 1503). Hədisdən göründüyü kimi fitrə zəkatını bayram namazına kimi çıxarmaq lazımdır. Həmçinin oxuyun: