Zina, yalan, iftira, qeybət, valideynə asilik və digər böyük günahlar edəni Allah bağışlayarmı?

Və aleykum Salam. Uca Allah tövbə edənin etdiyi günahlarının çoxluğuna və böyüklüyünə baxmayaraq tövbəsini qəbul edir. Uca Allah buyurur: "Qullarıma mənim bu sözümü de: "Ey Mənim özlərinə qarşı həddi aşmış qullarım! Allahın rəhmindən ümidinizi üzməyin. Şübhəsiz ki, Allah bütün günahları bağışlayır. O, həqiqətən, Bağışlayandır, Rəhmlidir!” Əzab sizə gəlməmişdən öncə Rəbbinizə üz tutun və Ona itaət edin. Sonra sizə heç bir kömək olunmaz. Əzab sizə fərqinə varmadığınız bir halda qəflətən gəlməmişdən əvvəl Rəbbinizdən sizə nazil edilən ən gözəl Sözə tabe olun!" (əz-Zumər, 53-55). Etdiyiniz günahdan əlavə kiminsə haqqına girmisinizsə, bu halda həmin insandan halaqllıq almalı, bu mümkün olmadıqda onun üçün Allaha çoxlu dua etməlisiniz. Təfsir alimi Abdur-Rahmən əs-Sadi yuxarıdakı ayənin təfsirində demişdir: "Yəni, "Ey Muhəmməd! Ey haqq dinin təbliğatçıları! Mənim, çoxlu günah işlədən və özlərinə zərər vurmaqda həddi aşan qullarıma Uca Rəbbin hüdudsuz rəhməti və hər şeyi bağışlaması haq­­qında xəbər verin! Onları günahlarını tövbə etmək üçün bu gözəl imkandan məhrum olmayana qədər çağırın. Onlar öz nəfslərinə tabe olub, hər şeyi Bilən Rəbbə itaətsizlik edir­lər və Onun qəzəbinə səbəb olan əməllər edirlər. Lakin onlar Allahın mər­həmətindən ümidlərini kəsməməli və bununla özlərini daha bö­yük təhlükəyə məruz qoymamalıdırlar. Onlar deməməlidirlər ki, həddən artıq günahlar etmişlər və ya qurtula bilməyəcəkləri həd­siz qüsurlara malikdirlər. Belə ümidsizlik günahkarlara tövbə et­məkdə, itaətsizlik burulğanından çıxmaqda maneçilik törədir. Nəticədə, onlar Mərhəmətli Allahın qəzəbindən başqa bir şey əl­də edə bilmirlər. Buna görə günahkarlara Allahın hədsiz mərhəməti ba­rədə ümidsizliyə qapıl­mağa imkan verməyin və Onun mərhə­mə­ti və rəhmliliyinə dəlalət edən gözəl ilahi adlarını dərk et­məkdə onlara yardım göstərin.
İnsan tövbə edən kimi, Uca Allah onun bütün böyük və kiçik günahlarını, hətta Allaha şərik qoşmasını, qətl törərməsini, zina etməsini, faiz yeməsini və başqalarına zülm etməsini bağışlayır. Həqiqətən də, Allah – Bağışlayandır, Mərhəmətlidir. Mərhəmət və Bağışlama ki­­mi, bu iki sifəti, Uca Allahın daimi sifətləridir. Allahın bu sifətlərinin təzahürü, Onun bütün məxluqları tərə­fin­dən bila­va­­­sitə hiss olunur. Rəbb qullarına gecə-gündüz nemətlər nazil edir. O (Pak və Müqəddəs), onlara Öz mərhəməti ilə gizli və aşkar himayə edir. Onun üçün nemətləri bağışlamaq, onları Özün­­də saxlamaqdan olduqca xoşdur. Onun mərhəməti Onun əda­lətli qəzəbini üstələmişdir. Lakin bu mər­həmətə layiq olmaqdan ötrü insan tövbə edib özünü islah etməyə çalışmalıdır və əgər o bunu etməsə, özü öz qarşısındakı mərhəmət və bağışlanma qapılarını bağlamış olur.
Uca Allahın mərhəmətini qazanmağın ən etibarlı və ən şə­rəfli yolu – Onun qarşısında səmimi tövbə etmək, bağışlanma haqqında dua ilə Ona müraciət etmək, itaət, mütilik və minnət etmədən Ona ibadət etməkdir. Həqiqətən, Onun mərhəmətinə və bağışlamasına nail olmaq üçün bundan daha etibarlı bir yol yoxdur".
Həmçinin oxuyun:
Tövbə etsəm, Allah məni bağışlayarmı?
Qul haqqı barədə
Allah rəhmətinin genişliyi haqqında yaza bilərsinizmi?