Körpə uşaqlı qadın namazı bir müddət saxlaya bilərmi?
Sual:
Essalamu Aleykum...uzr istəyirəen hamileliyimin 8ci ayinda Namaz qilmaga bawladim. Sonra ovladim dunyaya geldi qila bilmedim 40 gun bitti yene qila bilmedim cetin oldu mene hem uwaq hem ev iwleri catdira bilmedim Namaz qilmadim. Ovladim biraz boyusa 4-5aydan sonra Namaza bawlasam gunah olmaz?
Cavab:
Aleykum salam. Övlad Uca Allahın insana verdiyi nemətlərdən biridir. Bu nemətə görə insan Allaha şükür edib Ona olan itaəti və ibadəti artırmalıdır. Allahın insana verdiyi hər hansı bir nemət onu Allaha olan ibadət və itaətdən yayındırmamalıdır. Ona görə də, heç bir halda namaza fasilə vermək icazəli deyil. Uca Allah buyurur: "Adəm övladı zövcəsini ağuşuna aldıqda o, yüngül bir yüklə yükləndi (hamilə qaldı) və bir müddət onu bətnində gəzdirdi. Zövcəsi ağırlaşdığı zaman hər ikisi özlərinin Rəbbi olan Allaha: "Əgər bizə sağlam bir övlad versən, əlbəttə, şükür edənlərdən olarıq"– deyə dua etdilər. Allah onlara sağlam bir övlad verdikdə isə özlərinə verdiyi şeydə Ona şərik qoşmağa başladılar. Allah isə onların qoşduqları şəriklərdən ucadır". (əl-Əraf, 189-190). Övladına və ya hər hansı bir dünya nemətinə görə Allahın vacib buyurduğu bir ibadəti tərk edən insan, buna görə günah qazanır. Dinimiz asanlığı buyuduğu üçün namaz qılanı hər bir vəziyyətdə nəzərə alaraq ona rüxsətlər vermişdir. Daha ətraflı: