Falçının qazancından yeyən şəxs namaz qıla bilərmi?
Sual:
Salam.mənim qaynanam falçıdı.mən namaz qılmaq istəyirəm məni qoymur.deyir mənim fal pulumdan yeyib içirsən.necə qılırsan Namazı.indi mən neynəməliyəm.Qılarsam namazım qəbul olar?yoxsa olmaz.və ya yediyim içdiyim mənə halal sayılır?
Cavab:
Və aleykum salam. Namaz qılmaq hər kəsə, yediyinin halal və ya haram olmasından asılı olmayaraq vacibdir. Həmçinin, başqa qazanc yeriniz yoxdursa, ailə üzvünüzün haram yolla əldə etdiyi qazancdan yeyə bilərsiniz, bu halda sizə günah yazılmır. Bununla yanaşı, qaynananızı gözəl tərzdə bu həlakedici günahdan çəkindirməyə çalışın. Peyğəmbər - ona və ailəsinə Allahın salavatı və salamı olsun - demişdir: “Həlakedici yeddi günahdan çəkinin!” Soruşdular: “Ya Rəsulullah, nədir onlar?” Peyğəmbər buyurdu: “Allaha şərik qoşmaq, cadugərlik etmək, Allahın haram buyurduğu cana nahaq yerə qəsd etmək, sələm yemək, yetimin malını yemək, döyüş meydanından qaçmaq və zinadan xəbəri olmayan namuslu, ismətli mömin qadınları zinada ittiham etmək.” (əl-Buxari, 2766). Daha ətraflı: