Astral səyahət doğrudurmu?
Və aleykum Salam. “Astral səyahət” — insanın fiziki bədəni yerdə qalaraq, guya ruhunun və ya “astral bədən” adlanan enerjisel formanın kainatda səyahət etməsi inancıdır. Bu anlayış əsasən ezoterik, yeni dövr (New Age) və hind təsəvvürləri ilə bağlıdır. Bəzi insanlar yuxu halında, transda və ya meditasiya zamanı bu tip “bədən xarici təcrübələr” yaşadıqlarını iddia edir. İslamda ruh və bədən anlayışları Quran və Sünnə ilə müəyyənləşib. Uca Allah buyurur:
"(Ya Rəsulum!) Səndən ruh (ruhun mahiyyəti və keyfiyyəti) haqqında soruşarlar. De: “Ruh Rəbbimin əmrindədir. (Allahın əmri ilə yaradılmışdır). Sizə (bu barədə) yalnız cüzi (az) bir bilik verilmişdir!" (əl-İsra, 85).
Bu ayə göstərir ki, ruh haqda tam elm yalnız Allaha məxsusdur və insanın bu sahədə qəti bilgi əldə etməsi çətindir. Astral səyahət anlayışı bir neçə səbəbə görə şəriətdə təsdiqlənmir və etibarsız hesab olunur:
1. Əqidəvi problemlər var
Əgər kimsə deyirsə ki, “mən ruhumu bədəndən ayırıb başqa aləmlərə getdim”, bu qeybi elmə iddia etmək sayılır.
Qeyb yalnız Allaha məxsusdur. (əl-Cin, 26-27)
2. İslamda belə bir praktika yoxdur
Nə Peyğəmbərimiz ﷺ, nə səhabələr, nə də alimlər belə bir metodu nə istifadə etmiş, nə də təşviq etmişdir.
İslamda ruhun bədəndən ayrılması ancaq ölüm anında olur.
3. Şeytani və ya vəsvəsəyə əsaslanan hal ola bilər
Bəzən insanlar yuxuda, transda və ya hipnoz vəziyyətində qəribə hallar yaşayır. Lakin bunlar ya yuxu, ya da şeytani vəsvəsə ola bilər.
Bəzi alimlər bu təcrübələrin cinlərin təsiri ilə də izah edilə biləcəyini deyirlər.
İslam alimləri deyirlər ki, bu cür hallarla qarşılaşan şəxs onlara əsaslanaraq dini qərar verməməlidir, və ya bunları təbliğ etməməlidir. Əgər həddini aşsa və ruhunu idarə etdiyini iddia etsə, bu İslam əqidəsinə zidd sayılır ola bilər.
İslamda “astral səyahətə” bənzəyən nə var?
Yeganə nümunə – Peyğəmbərimizin ﷺ Merac səfəridir, amma bu, möcüzədir, vəhylə baş verib, Allahın əmri ilə olub. Həmçinin Peyğəmbərin ﷺ həm bədəni, həm ruhu ilə olub. Nəticə:
Astral səyahət anlayışı İslam şəriətində sübutu olmayan, əqidəvi təhlükələr daşıyan, qeybi və ezoterik iddialara əsaslanan bir inancdır. Buna inanmaq və yaymaq doğru deyil. Əgər insan bu cür hal yaşayıbsa, bu, ya bir yuxu, ya da vəsvəsə kimi qiymətləndirilməlidir. Qurana və Sünnəyə əsaslanmadan bu cür praktikalarla məşğul olmaq qadağandır.
Ətraflı bu cavabları oxuyun: