Şəriətə müxalif olmayan məsələlərdə rəhbərə itaət etmək vacibdirmi?
Sual:
Salam Aleykum. Bildiyimiz kimi Kitab və Sünnəyə görə Əmr sahiblərinə itaət vacibdi. Əgər belədirsə, o zaman Müsəlman dövlət başçısının qoyduğu və şəraiətə müxalif olmayan qayda-qanunların hamısına itaət etməliyik? Etməsək günaha girmişmi oluruq? Məsələn yol hərəkəti qaydalarında, maşın sürərkən surət 50-dirsə 80 ilə sürsək o zaman itaətsizlikmi edirik?
Cavab:
Və aleykum Salam. Hər bir müsəlmana özündən olan əmr sahibinə, yəni müsəlman dövlət başçısına itaət etməsi vacibdir. Çünki əmr sahibinə itaət etmək, Peyğəmbərə (ona və ailəsinə Allahın salavatı və salamı olsun) itaət etmək sayılır. Peyğəmbərə (ona və ailəsinə Allahın salavatı və salamı olsun) itaət etmək isə Allaha itaət sayılır. Hər bir müsəlman şəriətə uyğun olan işlərdə, habelə şəriətə müxalif olmayan işlərdə rəhbərə itaət etməlidir. Sürət həddini aşmaq qadağası şəriətə müxalif deyil. Demək ki, buna riayət etmək vacibdir, bu qaydanı pozmaq isə əmr sahibinə aslik sayılır. Həmçinin bu qaydaların qoyulması cəmiyyətin mənafei üçündür. Ətraflı oxuyun: