"ən-Nur" surəsi 26-cı ayənin təfsiri nədir?
Sual:
Salam Aleykum.en-Nur suresi, 26-cı aye'nin tefsirini zehmet olmazsa cavablayardınız.
Cavab:
Və aleykum Salam. Uca Allah "ən-Nur" surəsinin 26-cı ayəsində belə buyurur: "Murdar qadınlar murdar kişilərə, murdar kişilər isə murdar qadınlara, eləcə də təmiz qadınlar təmiz kişilərə, təmiz kişilər də təmiz qadınlara layiqdirlər. Bunlar iftiraçıların söylədiklərindən uzaqdırlar. Onları bağışlanma və bolluca ruzi gözləyir".
Böyük təfsir alimi Abdur-Rahmən əs-Səədi (Allah ona rəhmət etsin) bu ayəni belə təfsir etmişdir: "Murdar qadınlar murdar kişilərə, murdar kişilər isə murdar qadınlara, eləcə də təmiz qadınlar təmiz kişilərə, təmiz kişilər də təmiz qadınlara layiqdirlər", yəni əxlaqsız kişilər və qadınlar və həmçinin pozğun sözlər və əməllər həmişə bir-birilərinə xasdır. Onlar bir-birilərinə layiqdir, bir-biri ilə əlaqədardır və bir-birilərinə oxşayırlar. Abır-həyalı kişilər və qadınlar və həmçinin xeyirxah sözlər və əməllər də bir-birilərinə xasdırlar. Onlar həmçinin bir-birilərinə layiqdirlər, bir-biri ilə bağlıdırlar və bir-birilərinə bənzəyirlər.
Bu ayənin mənası çox genişdir və o istisna hallara malik deyil. Bunun ən bariz nümunəsi Allahın peyğəmbərləri, xüsusilə də, Ulul-Əzm (möhkəm iradə sahibləri) peyğəmbərlərin ən üstünü, bütün elçilərin ağası Muhəmməd Peyğəmbərdir (ona Allahın salavatı və salamı olsun!). O, insanların ən yaxşısıdır və buna görə onun zövcələri də ən yaxşı və mömin qadınlar idilər...". Həmçinin oxuyun: