Qadın naməhrəm kişilərin yanında Quranı səslə oxuya bilərmi?
Sual:
Qadın sesi haramdır? Qadın namehrem yanında Quran oxuya biler? Ayede keçen yalnız nazlana-nazlana danışmağa aiddir? Ses ümumen ixtilaflı meseledir?
Cavab:
Əssələmu aleykum. Alimlərin fikirlərinə görə, qadının səsi övrət (haram) hesab olunmur. Çünki Uca Allah buyurur:
"Ey Peyğəmbərin zövcələri! Siz hər hansı bir qadın kimi deyilsiniz. Əgər Allahdan qorxursunuzsa, yad kişilərlə nazlana-nazlana danışmayın, yoxsa qəlbində xəstəlik olan kəs tamaha düşər. Şəriətə müvafiq qaydada danışın" ("əl-Əhzab", 32).
Bundan əlavə, səhabə qadınlar Peyğəmbərimizə (ona və ailəsinə Allahın salavatı və salamı olsun) suallar verir və səhabələrin yanında onunla danışırdılar. Peyğəmbər (ona və ailəsinə Allahın salavatı və salamı olsun) isə onlara bunu qadağan etmirdi. Lakin haram olan şey naməhrəmlərlə "nazlana-nazlana" danışmaqdır.
Qadının naməhrəm kişilərin qarşısında Quran oxuması iki halda ola bilər:
1) Quranı avazla və gözəl səslə oxuyarsa, bu icazəli deyil.
2) Əgər avazla deyil, sadə və təbii səslə oxuyarsa, ehtiyac olduqda bu icazəlidir.