İş yerində qadınlarla söhbətləşməyim günahdırmı və cümə namazı haqqında

Aleykum salam. Əlhəmdülilləh, yaxşıyıq. Zərurət olmadan naməhrəm olanlarla ünsiyyətdə olmaq olmaz. Allah Rəsulu (salləllahu aleyhi və səlləm) səhih bir hədisdə belə buyurmuşdur: "Naməhrəm kişi və qadın arasındakı söhbətdə üçüncü tərəf şeytandır". (ət-Tirmizi, 2165).
Bu kimi əməllər bəzi hallarda zinaya apara bilər. Uca Allah buyurur: "Zinaya yaxınlaşmayın. Çünki bu, iyrənc bir əməl və murdar bir yoldur!" (əl-İsra, 32).
Zinaya yaxınlaşmamaq üçün isə, ona aparan yollardan da uzaq olmaq lazımdır. Uca Allah buyurur: "Ya Rəsulum!" Mömin kişilərə de ki, gözlərini haram edilmiş şeylərdən çevirsinlər, naməhrəmə baxmasınlar, ayıb yerlərini zinadan qorusunlar və ya örtülü saxlasınlar. Bu onlar üçün ədəb-ərkan, təmizlik baxımından daha yaxşıdır. Şübhəsiz ki, Allah onların nə etdiklərindən xəbərdardır! Həmçinin mömin qadınlara da de ki, harama baxmayıb gözlərini aşağı diksinlər və cinsiyyət üzvlərini zinadan qorusunlar. Qoy onlar – görünənlər istisna olmaqla, zinətlərini naməhrəmə göstərməsinlər; örtüklərini yaxalarının üstünə salsınlar...". (ən-Nur, 30-31).
Ölkəmizdə insanların əksəriyyəti şəriət qayda-qanunlarından bixəbərdir. Ona görə siz çalışın ki, tədricən iş yoldaşlarınızı bu qaydalara riayət etməyə alışdırasınız. Həmçinin qadınların da naməhrəm kişilərlə zərurət olduqda belə, nazlanaraq danışması haramdır: "Ey Peyğəmbərin zövcələri! Siz hər hansı bir qadın kimi deyilsiniz. Əgər Allahdan qorxursunuzsa, yad kişilərlə nazlana-nazlana danışmayın, yoxsa qəlbində xəstəlik olan tamaha düşər. Şəriətə müvafiq qaydada danışın". (əl-Əhzəb, 32).