Falçının yazdığı kağızı cırıb atmağımla qismətim bağlanmış ola bilərmi?

    14.11.2026
Kimdən: 
Angel
Sual: 
Salam. Mənim tanışlarımin falçıya getmişdilər, mən də onlarla birgə getdim ilk dəfə, işə girib girmeyeceyimi öyrənmək üçün. Tanışlarımin da başladılar ki bu qızı istəyən çoxdur, evlənmək istəmir heç kimlə dedilər və falçı başladı evlilik üçün yazılar yazmağa (istəmədiyim halda). Dedi ki kağızı yandır, külünü evinizin həyətinə tök, elçilər evinizə gəlsin.Mən də evə gəldim və o yazını cırıb atdım zibilə. Istər istəməz maraqlıdir ki, onunla mən qismətimi baglamış oldum?
Cavab: 

Və aleykum Salam. Əvvəla bunu qeyd edək ki, heç bir halda falçıya getmək icazəli deyil. Falçıya getmək və qeybdən xəbər öyrənməyə çalışmaq haramdır, buna görə Allaha səmimi tövbə edin və bir daha belə yerlərə getməyin. Əgər falçının dediklərinə inanaraq onun qeybi bildiyini düşünmüsünüzsə, bu daha da böyük günahdır və belə düşünmək küfrdür. Bu barədə ətraflı oxuyun:


Falçının yazdığı kağızı cırıb atmağınızla qismətiniz bağlanmayıb, evlilik və ruzi Allahın Əlindədir, heç bir kağız Allahın insan üçün yazdığı qisməti dəyişə bilməz. Allaha təvəkkül edin və bilin ki, heç kəs Allahın sizin üçün yazdığını dəyişdirə bilməz. Dua edərək Allahdan sizə xeyirli həyat yoldaşı nəsib etməsini diləyin və bu hadisəyə görə qismətinizin bağlandığını düşünərək narahat olmayın. Həmçinin oxuyun:

Cadugərin yazdığını məhv etmək üçün nə edim?


Teqlər: 
cadu
Paylaş: