Kiminlə ailə qurmaq insanın öz seçimidir, yoxsa alın yazısıdır?
Aleykum salam. Allah sizə çoxlu səbr versin və müsibətlər əvəzində günahlarınızı bağışlasın. Peyğəmbər (salləllahu aleyhi və səlləm) demişdir ki, Uca Allah buyurur: "Mən mömin qulumun sevdiyi yaxın bir adamının canını aldıqdan sonra o buna (səbir edib axirətdə əvəzini alacağına) ümid edərsə, Mənim ona verəcəyim mükafat ancaq Cənnət olar". (əl-Buxari).
Ümumən qədər mövzusu ən ağır mövzulardandır və burada çox danışmaq qadağandır. Peyğəmbər (salləllahu aleyhi və səlləm) demişdir: "Səhabələrim haqda söhbət düşdükdə susun! Ulduzlar haqda söhbət düşdükdə susun! Qədər haqda söhbət düşdükdə susun!" (ət-Tabərani, "Mu'cəmul-Kəbir" 1411, 10296) Uca Allah öz elmi ilə hər kəsin hansı əməlləri edəcəyini bilərək yazmışdır, lakin bununla yanaşı insana müəyyən seçimlər də vermişdir. İnsanlar əməlləri öz seçimləri ilə edirlər və buna onları heç kim məcbur etmir. Əgər məcburiyyət olsa idi, Qiyamət günü sorğu-sualın mənası olmazdı. Hər kəs günahları məcburi etdiyini bəhanə gətirərdi. İnsan öz əməllərinə görə məsuliyyət daşıyır və əməllərinə görə hesab verəcəyini bilməlidir. Uca Allah buyurur: "Biz sizi bir az qorxu, bir az aclıq, bir az da mal-dövlət, insan və məhsul itkisi ilə sınayarıq. Səbr edənlərə müjdə ver". O kəslər ki, onlara bir müsibət üz verdikdə: "Biz, Allaha məxsusuq və Ona da qayıdacağıq!" - deyirlər. Onlara öz Rəbbi tərəfindən təriflər və mərhəmət vardır. Məhz onlar doğru yolda olanlardır". (əl-Bəqərə, 155-157).
"Əməl baxımından hansınızın daha yaxşı olduğunuzu sınamaq üçün ölümü və həyatı yaradan Odur. O, Qüdrətlidir, Bağışlayandır". (əl-Mulk, 2).
"İnsanlar elə güman edirlər ki, təkcə: "İman gətirdik!" - demələri ilə onlardan əl çəkiləcək və onlar imtahan edilməyəcəklər?" (əl-Ənkəbut, 2).
Kiminlə ailə qurmaq barədə Peyğəmbərimiz (salləllahu aleyhi və səlləm) kişilərə və qadınlara aşağıdakıları tövsiyə etmişdir: "Dörd şeyə görə qadınla evlənməyə dəyər: var-dövlətinə görə, əsil-nəsəbinə görə, gözəlliyinə görə və bir də dininə görə. Çalış dindar olanı seçəsən, yoxsa yazıq olarsan". (əl-Buxari, 5090).
O, həmçinin demişdir: "Sizə dinindən və əxlaqından razı qaldığınız birisi (elçi olaraq) gəldiyi zaman qızınızı onunla evləndirin. Əgər belə etməsəniz yer üzündə fitnə və fəsad olar". Səhabələr (radıyəllahu anhum) dedilər: "Ey Allahın elçisi! Əgər həmin adamda bəzi əlamətlər (yəni, kasıblıq) olsa necə?" Peyğəmbər (salləllahu aleyhi və səlləm) dedi: "Sizə dinindən və əxlaqından razı qaldığınız birisi (elçi olaraq) gəldiyi zaman qızınızı onunla evləndirin". O bunu üç dəfə təkrara etdi". (Hədisi ət-Tirmizi və başqaları rəvayət etmişdir. Əsrimizin görkəmli ədhis alimi əl-Əlbəni isə hədisi "həsən" olaraq təsnif etmişdir). Daha ətraflı bu məqalələri oxuyun:
Qədəri bəhanə gətirənlərə cavab
Səbir edənləri müjdələ!
Sınaqlara səbr etmək barədə