Aleykum salam. Səhih hədislərə görə qiyamətə yaxın həyatda olan möminlər qiyamətin dəhşətini görməyəcəklər. Belə ki, səhih hədisə görə Uca Allah İsanın (Allahın ona salamı olsun) vəfatından sonra və günəş qərbdən doğduqdan sonra xoş bir meh göndərəcək.
Aleykum salam. İnsanların cənnətlik və ya cəhənnəmlik olması insan öldükdən sonra qəbirdə bilinir. Belə ki, əgər ölən şəxs mömindirsə, onun cənnətdəki yeri göstərilir və o, qiyamət gününün tez gəlməsini istəyir.
Aleykum salam. Günahlardan tövbə etmək təqdirəlayiq əməldir. Lakin namaz qılmamaq özü bir günahdır, həm də böyük günahdır.
Aleykum salam. Qiyamət gününə qədər bütün ölən insanlar "bərzəx" adlanan qəbir aləminə gedirlər. İnsan qəbirə qoyulduqda onun yanına Nəkir və Munkir adlı iki mələk gəlir və ona "Rəbbin kimdir?", "Dinin nədir?", "Peyğəmbərin kimdir?" suallarını verir.
Aleykum salam. Uca Allah qul haqqına aid olan günahları bağışlamayacaq və qiyamət günü insanlar hesaba çəkildikləri zaman bütün haqq sahibləri, yəni, vaxti ilə haqqları pozulmuş şəxslər, borcları qaytarılmayan borc sahibləri və s.
Aleykum salam. Valideynlər dünyasını dəyişərsə, onların bağışlanması üçün dua etmək, onların adından sədəqə vermək, qohumları ilə əlaqələri daha da möhkəmləndirmək və digər şeylər onlara edilən yaxşılıqdır.