Vitr namazını qılıb yatan şəxs gecə namazından sonra yenidən vitr qılırmı?

    28.08.2023
Kimdən: 
.
Sual: 
EsSalamu Aleykum.İşa namazindan qabaq qilinan sünnet namazi var mi?yeni işa namazinin ilk sünneti var mi ? Men işadan evvel 4 reket sünnet sonra ferzni sonda da 2 reket sünneti qiliram . Türk saytlarin birinde yazilmişdi orda deyirdi işadan evvel 4 sünnet qilmaq haqda hedisde gösterilirdi. Varmi doğurdan da ele hedis ? 2) vitr namazini qilib yatan şexs gece namazinda reketlerin sayini nece qilsin iki iki 8 reket qilirdim sonra 3 reket vitri qilirdim . vitri yatib qalaram deye qorxumdan qilib yatiram . 11 reketi nece tamamlayim bilmirem ? 3)istedyimiz vaxtda elde iş ola ola istedyimiz yerde zikir ede bilerikmi ? Ümümi sayla edilirmi? Yoxsa neqeder istesek meselen heresinden 25 bele ?
Cavab: 

Və aleykum Salam. 

1) İşa namazından əvvəl daimi qılınan ratibə sünnət namazı yoxdur. Lakin bəzən İşadan əvvəl sünnət namazı qılmaq icazəlidir. Necə ki hər azan iqamə arası iki rükət qılmaq icazəlidir. Abdullah ibn Müğəffəl əl-Müzəni (Allah ondan razı olsun) rəvayət edir ki, Peyğəmbər (ona və ailəsinə Allahın salavatı və salamı olsun) üç dəfə de­di: “Hər iki azan arasında namaz vardır”, (sonra da əlavə etdi): “(Bunu) istə­yən­lər üçün”. Digər rəvayətdə deyilir ki, (Peyğəmbər (ona və ailəsinə Allahın salavatı və salamı olsun): “Hər iki azan arasında namaz var­dır, hər iki azan arasında namaz vardır”– demiş və üçüncü dəfə: “(Bunu) is­tə­yən­lər üçün”- deyə əlavə etmişdir. (əl-Buxari, 627). İşa namazından əvvəl dörd rükət namaz qılmaq barədə hədisin olduğunu bilmirik. Ətraflı oxuyun:


2) Vitr namazını yatmazdan əvvəl qılan şəxs gecə oyanarkən cüt sayda 2-4-6-8-10 namaz qılır. Təkrar vitri qılmır. Ətraflı oxuyun:


3) Natəmiz yerlər (ayaqyolu, hamam) istisna olmaqla zikri istənilən vəziyyətdə etmək olar. Zikrin sayına gəlincə, bəzi zikrlər müəyyən vaxtda və sayda buyururlub. Bu zikrləri qeyd edilən vaxtlarda və saylarda etmək lazımdır. Məsələn: fərz namazlarından sonra 33 dəfə "subhənəllah", 33 dəfə "əlhəmdulilləh", 33 dəfə "Allahu Əkbər", 1 dəfə "Lə iləhə illəllah vəhdəhu lə şərikə ləhu, ləhul mulku və ləhul həmdu və huva alə kulli şeyin qadir" demək kimi. Bəzi zikrlər isə günün istənilən vaxtında və istənilən sayda demək olar. Məsələn, gün ərzində istənilən qədər "Lə iləhə İlləllah", "Subhənəllahi və Bihəmdihi", "Subhənəllahil-Azim" və s. bu kimi zikrləri demək olar. Ətraflı oxuyun:

Müsəlmanın qalası (dua və zikrlər) kitabçası

Zikr nədir?


Teqlər: 
namaz
Paylaş: