Dəstəmaz aldıqdan sonra yel çıxması barədə şübhəyə düşmək vəsvəsədirmi?

    18.05.2024
Kimdən: 
S
Sual: 
Salam Əleykum.Men qiblə istiqamətini bezen duz təyin edə bilmirəm .programdan baxıram ona görə namaz qılırdım daha sonra başqa program yüklədim əvvəl qıldığım yerden fərqli göstərirdi ona görə bildiyim istiqamətdə namazımı qılıram.Birdeki mən nə vaxt namaz qılmaq istəyi ilə dəstəmaz alsam o dəqiqə yel çixacaqmiş kimi olur namaza dururam yenə elə gelir vəsvəsə ola bilərmi?tövbə istiğfar edirəm ya zikr edirəm salavat deyirəm heç əlaqəsi olmayan şeylər beynimə gelir bir anda tam zikr eləyə bilmirəm fikrimi qarışır buna görə mənə günah yazılır mı bezen adi vaxtda da belə olur əlaqəsi olmayan şeyləri fikirləşirem ve bu hal bezen mənde asılılıq yaradır ne edə bilərəm bu vəziyyətdə
Cavab: 

Və aleykum Salam.

1) Qibləni təyin edərkən tam dəqiqliyə ehtiyac yoxdur. Əsas odur ki, əks istiqamətə qılmayasınız. Lakin azacıq sağa və ya sola meyil etməkdə bir qəbahət yoxdur. Ətraflı oxuyun:


2) Dəstəmaz aldıqdan sonra yel çıxması kimi şübhələrin gəlməsi şeytanın vəsvəsəsidir, belə vəsvəsələrə fikir vermək lazım deyil. Abdullah ibn Zeyd əl-Ənsari (Allah ondan razı olsun) rəvayət edir ki, bir nəfər namaz əsnasın­da özün­dən sanki yel çıxdığını hiss etdiyini Peyğəmbərə ﷺ xəbər verdikdə Pey­ğəm­bər ﷺ bu­yurdu: "Bir səs eşitməyincə və ya bir iy duymayınca namazdan çıxma­sın!" (əl-Buxari, 137). Ətraflı oxuyun:

Dəstəmaz aldıqdan sonra yel çıxmasından şübhələnən yenidən dəstəmaz almalıdırmı?


3) İnsana özündən asılı olmayaraq ağlına gələn fikirlərə görə günah yazılmır. Bu barədə ətraflı oxuyun:

Pis fikirlərdən necə xilas ola bilərəm?

İnsanın özündən asılı olmayaraq Allah haqqında pis fikirlərə düşməsi günahdırmı? 

Teqlər: 
təmizlənmə
Paylaş: