Nafilə namazları qılmasam günah qazanırammı?

Salam aleykum. Uca Allah möminlərə gün ərzində beş vaxt namazı vacib etmişdir. Gün ərzində qılınan digər namazlar isə vacib deyil, yəni bu namazları qılmayana günah yazılmır. Buna dəlil isə bu hədisdir. Təlhə ibn Ubeydullah (Allah ondan razı olsun) rəvayət edir ki, Nəcd (Məkkə ilə İraq arasında olan ərazilər) əhlindən olan, saçları dağınıq bir kişi Peyğəmbərin (salləllahualeyhi və səlləm) yanına gəldi. Biz uzaqdan onun gurultulu səsini eşidir, amma nə dediyini anlamırdıq. Nəhayət, yaxına gəldi və aydın oldu ki, İslam ba­rəsin­də soruşur. Peyğəmbər (Allahın ona və ailəsinə salavatı və salamı olsun) buyurdu: "Bir gün və bir gecə ərzində beş vaxt namaz (qılmalısan)". Kişi so­ruşdu: "Mə­nə bundan başqası vacib buyru­lub­­mu?" (Peyğəm­bər): "Xeyr! Yalnız könüllü olaraq qıldığından başqa"– de­yə cavab verdi. Sonra Peyğəm­bər buyurdu: "Ramazan orucunu da (tutma­lı­san)". (Kişi) soruş­du: "Mə­nə bundan başqası vacib buyrulubmu?" (Peyğəm­bər): "Xeyr! Yalnız könüllü olaraq tutduğundan başqa"– deyə cavab verdi. Peyğəmbər (Allahın ona salavatı və salamı olsun) ona zəkatın vacibliyi­ni də bildirdi. (Kişi) soruş­du: "Mə­nə bun­dan başqası vacib buyrulubmu?" (Pey­ğəm­bər): “Xeyr! Yalnız könüllü olaraq ver­diyindən başqa"– deyə cavab verdi. Kişi: “Vallahi ki, mən buna heç nə ar­tır­ma­yacağam və heç nə əskiltməyəcə­yəm”– dedi və dönüb getdi. Peyğəm­bər bu­yurdu: "Əgər doğru deyirsə, nicat tapacaq­dır". (Səhih əl-Buxari, 46). Bu hədisdə Peyğəmbər (Allahın ona salavatı və salamı olsun) bədəvi ərəbə gün ərzində beş vaxt namazın vacib olduğunu bildirmişdir. Sonda bədəvi: "Vallahi ki, mən buna heç nə ar­tır­ma­yacağam və heç nə əskiltməyəcə­yəm"– dedi və Peyğəmbər (Allahın ona və ailəsinə salavatı və salamı olsun): "Əgər doğru deyirsə, nicat tapacaq­dır" - deyərək buna etiraz etmədi. Lakin, sünnət namazları insanın vacib namazlarda buraxdığı xətaları tamamlayır, Allahın sevgisini qazanmağa və Qiyamət günü yüksək dərəcələrə nail olmağa səbəbdir. Həmçinin oxuyun:
Savab qazanmaq üçün nə etmək lazımdır?
Nafilə və fərz namazları hansılardır?
Sünnət namazlarına dair hansı hədislər var?
Vacib olmayan namazların fəziləti