Ərim namaz qılmır, yenə də ona itaət etməliyəmmi?

Və aleykum Salam. Qadının həyat yoldaşı namaz qılmasa belə dinimiz ona ərinə günah olmayan məsələlərdə itaət etməyi, onunla gözəl davranmağı, ərinin namusunu və malını qorumağı əmr etmişdir. Uca Allah buyurur: "Kişilərin qadınlar üzərində şəriətə müvafiq haqları olduğu kimi onların da kişilər üzərində haqları vardır. Kişilərin onlar üzərində olan haqları isə bir dərəcə üstündür. Allah Qüdrətlidir, Müdrikdir". (əl-Bəqərə, 228).  

Peyğəmbər (Allahın ona və ailəsinə salavatı və salamı olsun) belə demişdir: "Əgər Allahdan qeyrisinə səcdə etmək icazəli olsaydı, qadına ərinə səcdə etməsini əmr edərdim". (İbn Macəh, 2/1852). Həmçinin, qadının Cənnəti qazanması üçün şərtlərdən biri də ərinə itaət etməsidir. əl-Huseyn ibn Mihsandan rəvayət olunur ki, bir dəfə onun bibisi bir işlə əlaqədar Peyğəmbərin yanına gəldi. İşini həll etdikdən sonra Peyğəmbər (salləllahu aleyhi və səlləm) ondan soruşdu: "Sən evlisənmi?" Qadın: "Bəli" - deyə cavab verdi. Peyğəmbər soruşdu: "Ona qarşı necə davranırsan?" Qadın dedi: "Bacardığım qədər qulluğunda dururam". Peyğəmbər dedi: "Bil ki, (haqqını ödədədiyin təqdirdə) o sənin ya Cənnətin, ya da (haqqını ödəməsən) Cəhənnəmindir". (İmam Əhməd, 19025).

Abdurrahmən ibn Auf (Allah ondan razı olsun) Peyğəmbərin (salləllahu aleyhi və səlləm) belə dediyini buyurmuşdur: "Bir qadın beş vaxt namazını qılar, namusunu qoruyar və ərinə itaət edərsə, istədiyi qapıdan cənnətə daxil olar". (İmam Əhməd, №: 1161, 1664; əl-Albani: "Səhih əl-Cami" əsəri, №: 660).

Başqa bir hədisdə Peyğəmbər (Allahın ona və ailəsinə salavatı və salamı olsun) demişdir: "Qadın ərinə itaət etmədikcə imanın şirinliyini duymaz", başqa bir rəvayətdə belə deyilir: "Qadın ərinin haqqını ödəmədikcə Allahın haqqını ödəmiş sayılmaz". (Səhih ət-Tərğib, 1939).

Bununla yanaşı qadın gözəl şəkildə ərini haqqa dəvət etməli və ərinin hidayət olması üçün Allaha dualar etməlidir. Daha ətraflı: