Qəza namazı qılarkən azan deyilirmi?
Və aleykum Salam. Əvvəla bunu qeyd edək ki, üzürsüz səbəbdən namazları qəzaya saxlamaq böyük günahdır. Bu barədə ətraflı oxuyun:
Qəza namazı deyilən bir namaz varmı?
Hansı hallarda namazları qəzaya saxlamaq olar?
Bəli, qəza namazı qılarkən həm azan, həm də iqamə vermək icazəlidir. Rəvayət edilir ki, Əbu Qətadə (Allah ondan razı qalsın) demişdir: “Bir gecə biz Peyğəmbərlə (ona və ailəsinə Allahın salavatı və salamı olsun) birlikdə səfərdə olarkən bəzi adamlar dedilər: “Ey Allahın Elçisi, bizə dincimizi almağa izn versəydin, (yaxşı olardı).” Peyğəmbər (ona və ailəsinə Allahın salavatı və salamı olsun) buyurdu: “Qorxuram ki, namaz vaxtı yatıb qalasınız.” Bilal: “Mən sizi oyadaram”– dedi. Beləliklə, hamı uzanıb yatdı. Bilal kürəyini öz dəvəsinə söykədi (ki, yatmasın,) lakin onu da yuxu apardı. Nəhayət, Peyğəmbər (ona və ailəsinə Allahın salavatı və salamı olsun) Günəşin qövsü üfüqdə göründüyü vaxt oyandı və: “Ey Bilal, hanı verdiyin söz?”– deyə soruşdu. Bilal dedi: “Mən heç vaxt belə bərk yatmamışdım.” Peyğəmbər (ona və ailəsinə Allahın salavatı və salamı olsun) buyurdu: “Allah istədiyi vaxt canınızı alır və istədiyi vaxt da onu sizə qaytarır. Ey Bilal, qalx camaatı namaza çağır”. Bundan sonra Peyğəmbər (ona və ailəsinə Allahın salavatı və salamı olsun) dəstəmaz aldı və günəş artıq üfüqdən qalxıb parıldamağa başladıqdan sonra qalxıb namaz qıldı. (əl-Buxari, 595). Həmçinin oxuyun: