Anama Quran öyrətməyəcəyimə and içmişəm, andımı pozub ona yenidən Quran öyrədə bilərəmmi?

    16.07.2026
Sual: 
Vicdan əzabı çəkirəm və yardımınıza ehtiyacım var.Anama Quran əlifbasını öyrədərkən ona dönə-dönə tapşırırdım ki, köhnə dərsi tam təhvil verməmiş yenisinə keçməsin və tələsməsin.Lakin canım anam məni dinləmir,tələsirdi.Bir dəfə hirslənib qəsdən and içdim ki,əgər bir də belə etsən, daha sənə öyrətməyəcəm.Anam yenə eyni addımı atdıqda dərsi yarımçıq saxladım və and içdiyim üçün artıq davam edə bilməyəcəyimi dedim.İndi isə ürəyim çox sıxılr.Həm anama qarşı etdiyim bu hərəkətə,həm də Allaha qarşı çox utanıram. Fikirləşirəm daha səbrli olmalı idim,niyə and içtim axı.Anama kömək etmək istəyirəm, amma andımı pozmaqdan da qorxuram.Görəsən, andımı pozub əvəzində 3 gün oruc tutsam, günahım bağışlanar?
Cavab: 

Əssələmu aleykum. Anaya yaxşılıq etmək Allahın ən böyük əmr etdiyi əməllərdəndir, ona görə də onu Qurana öyrətmək kimi xeyirli işi tərk etmək doğru seçim deyil. Əgər Allahın adı ilə and içmisinizsə, sonra daha xeyirli olanın andı pozmaq olduğunu görmüsünüzsə, andınızı pozun və kəffarəsini verin. Çünki Peyğəmbər (ona və ailəsinə Allahın salavatı və salamı olsun) buyurmuşdur: "Kim bir işə and içər, sonra ondan daha xeyirlisini görərsə, andının kəffarəsini versin və daha xeyirli olanı etsin". (Muslim, 1272). Andın kəffarəsi ilk növbədə on yoxsulu yedizdirmək və ya geyindirməkdir. Bunlara gücü çatmayan şəxs isə üç gün oruc tutur. Buna görə də, imkanınız varsa, on kasıbı yedizdirin, buna imkan tapmadığınız halda üç gün oruc tutun. Sonra da ananızdan üzr istəyin, onun qəlbini alın və Allahdan bağışlanma diləyərək ona Quranı öyrətməyə davam edin. Uca Allah sizi bu xeyirli əməli tamamlamağa müvəffəq etsin! Həmçinin oxuyun:

Teqlər: 
ailə
quran
Paylaş: