Sidiyə çıxdıqldan sonra gələn damcıların paltara keçməsinin qarşısını almaq üçün nə etmək olar?

    09.08.2026
Kimdən: 
...
Sual: 
Məndə sidik ifrazından sonra kanalda sidik qalması (post-micturition dribbling) problemi var. Çömələrək normal şəkildə sidiyə çıxıram. Lakin proses bitdikdə əzələlərimi sıxdıqda, kəsilmək əvəzinə kanaldan sürətlə 50-100 ml əlavə sidik gəlir. Kanalın altına əlimlə basdıqda da sidik çıxır. Yuyunub ayağa durduqdan sonra isə növbəti 20-30 dəqiqə ərzində hərəkət etdikcə (oturub-durduqca) xırda damcılar halında sidik gəlməyə davam edir. Yalnız bu müddət bitdikdən sonra axıntı tam dayanır və dəstəmaz alıb namaz qıla bilirəm. Evdə alt paltarımı dəyişərək yola verə bilsəm də, işdə səfərdə və qonaqlıqda bu hal məni çox çarəsiz qoyur.Daim alt paltarı daşımaq və dəyişmək məşəqqətlidir qəti vəsvəsə deyil
Cavab: 

Əssələmu aleykum. Əgər sidiyin damcı-damcı gəlməsi həqiqətən 20–30 dəqiqə davam edir və bu müddət ərzində tam kəsilmirsə, onda tələsməyin, axıntının dayanmasını gözləyin, sonra yuyunub dəstəmaz alaraq namazınızı qılın. Sidiyi çıxarmaq üçün kanalı sıxmaq, alt hissəni dəfələrlə basmaq və ya uzun müddət özünü yoxlamaq şəriətdə tələb olunmur. Təbii şəkildə sidik kəsildikdən sonra adi qaydada təmizlənin və əlavə araşdırmalara girməyin. Səfərdə və ya işdə olarkən sidikdən sonra kanalın çıxış hissəsinə salfet və ya tualet kağızı qoymaqla qalan damcıların paltara keçməsinin qarşısını almaq olar. Salfet nəcasəti özünə çəkərsə, onu çıxarıb atın və namazdan əvvəl nəcasətin bədənə və ya paltara keçmədiyinə əmin olun. Əgər nəcasət salfetdən kənara keçməyibsə, alt paltarınızı dəyişməyə ehtiyac yoxdur. Həmçinin oxuyun:

Teqlər: 
təmizlənmə
Paylaş: