Cahil müsəlman ibadət edən xaçpərəstdən üstündürmü?

Va aleykum Salam.

1) Əgər məni şəhvət hissi ilə çıxmırsa və boşalmaya səbəb olmursa, bu halda qüsl etmək vacib deyil. Əgər məni (sperma) şəhvət hissi ilə çox miqdarda çıxarsa və insanın boşalmasına səbəb olarsa, bu halda qüsl etmək vacibdir. Bəzən kişilərdə sidiyə gedərkən sidik kanalında qalan müəyyən miqdar qatı məni sidiklə birgə xaric olur, məninin bu formada xaric olması qüslü vacib etmir. Həmçinin oxuyun:

2) Qiyamət günü o qədər dəhşətli bir gün olacaq ki, insanlar bu barədə düşünməyəcəklər. Rəvayət edilir ki, Aişə (Allah ondan razı olsun) demişdir: "Bir dəfə Peyğəm­bər (ona və ailəsinə Allahın salavatı və salamı olsun) dedi: "Qiya­mət günü siz ayaqyalın, lüt-üryan və sünnət olunmamış halda məhşərə top­la­nacaq­sınız". Mən soruşdum: "Ya Rəsulullah, kişilər və qadın­lar bir-birilə­ri­nə baxacaqlarmı?" Peyğəmbər (ona və ailəsinə Allahın salavatı və salamı olsun) dedi: "Onların işi elə çətin olacaq ki, bu onları heç maraqlandırmayacaq" (əl-Buxari, 6527). Həmçinin oxuyun:

3) Quran ayələrinə və hədislərə görə Cəhənnəmdə qadınlarla kişilər bir yerdə olacaq. Bir hədisdə rəvayət olunur ki, Peyğəmbərimizə (ona və ailəsinə Allahın salavatı və salamı olsun) yuxuda Cəhənnəmə düşən zinakar kişi və qadınlar göstərilir. Peyğəmbər (ona və ailəsinə Allahın salavatı və salamı olsun) onları vəsf edərək belə buyurur: "Nəhayət, gəlib təndirə bənzər, üstü dar, altı geniş bir oyuğa çatdıq. Bu oyu­ğun altında atəş alovlanırdı. Alov hər dəfə (günahkarlara) yaxınlaşdıqda on­lar yuxarı qalxırdılar, hətta, az qalırdı ki, oradan bayıra çıxsınlar, alov sən­gi­dik­də isə geri çəkilirdilər. Orada lüt kişi və qadınlar var idi" (əl-Buxari, 1386). Həmçinin oxuyun:

4) Müsəlman cahil olsa belə xaçpərəstdən daha üstündür. Çünki müsəlmanlar Allahın təkliyinə şahidlik edir, Onun Kitabına və göndərdiyi peyğəmbərlərin hamısına iman gətirirlər. Xaçpərəstlər isə İsaya ilah deyərək Allaha şərik qoşur və göndərdiyi son peyğəmbər Muhəmmədə (ona və ailəsinə Allahın salavatı və salamı olsun) iman gətirmirlər. Onların ibadətləri Allaha şərik qoşmaqdan ibarətdir. Allaha şərik qoşularaq edilən ibadətlər isə, qəbul edilmir. Uca Allah onlar barədə buyurur: "De: “Sizə əməlləri ba­xı­mından ən çox ziyana uğra­yan­lar ba­rə­sində xəbər verimmi? O kəslər ki, on­ların dünya həyatındakı səy­ləri bo­şa çıx­mış­dır. Çünki on­lar özlü­yündə yaxşı işlər gör­dükləri gü­ma­nında idilər" (əl-Kəhf, 103-104). Həmçinin oxuyun:  Xristianlar niyə kafirdir?