Dəstəmazı və namazı batil edən hallar

Qanaxma nə dəstəmazı, nə də namazı batil etmir. Bir çox səhabələrin yaralı halda namaz qılması ilə bağlı rəvayətlər var. Ömər ibn əl-Xattab (Allah onlardan razı olsun) da namazda ikən qılıncla vurulduğuna baxmayaraq namazı yarımçıq dayandırmamışdır. Bu dəlalət edir ki, qan murdar deyil. Həmçinin oxuyun:
Dəstəmazı pozan amillər
Dİslam Fiqhi: Dəstəmazı pozan hallar

Namazı pozan əməllərə aşağıdakılar aiddir:
1) Dəstəmazın hökmünü qüvvədən salan (batil edən) əməllər eynilə namaza da aiddir. Məsələn, yel çıxması.
2) Bilərəkdən övrəti (ayıb yerləri) açmaq. Lakin, övrət yerləri təsadüfən açılarsa və açılmış hissə az isə və ya çox açılmasına rəğmən dərhal örtərsə, bu halda namaz qüvvədən düşmüş sayılmır.
3) Nəzərəçarpacaq dərəcədə qiblə istiqamətindən başqa tərəfə dönmək.
4) Bədəndə və ya paltarlarda və ya namaz qılınan yerdə nəcasətin olması. Əgər nəcasəti namaz əsnasında görərsə və ya yadına düşərsə və bunu dərhal aradan qaldırarsa bu halda namaz səhihdir. Eynilə, yalnız namaz başa çatdıqdan sonra bunu aşkar edərsə bu halda onun namazı yenə də etibarlı sayılır.
5) Heç bir əsaslı səbəb olamdan namaz əsnasında həddən artıq davamlı hərəkətlərə yol vermək. Məsələn, bir yeri çoxlu qaşımaq.
6) Rüku və səcdə kimi namazın rüknlərindən birini buraxmaq və ya bilərəkdən yenisini əlavə etmək və ya bilərəkdən ardıcıllığını pozmaq.
7) Bilərəkdən namazı tamamlamamışdan öncə sağa və sola salam verərək namazı bitirmək.
8) Bilərəkdən namazda qiraətin mənasını dəyişmək.
9) Bilərəkdən namazın vacibatlarından birini buraxmaq. Misal üçün birinci təşəhhüdü buraxmaq, lakin unutqanlıqdan baş verərsə, namaz yenə də hökmünü saxlayır, bununla belə səhv səcdəsi yerinə yetirilməlidir. İkinci təşəhhüd rükn sayılır və bunu bilməyərək tərk edən bir rükət əlavə namaz qılmalıdır.
10) Namazı dayandırmağa qərar vermək.
11) Qəhqəhə ilə gülmək. Sadəcə təbəssüm etmək namazı qüvvədən salmır.
12) Bilərəkdən danışmaq. Kimsə səhvən və ya bu barədə hökmü bilmədiyindən danışarsa namaz qüvvədən düşmüş sayılmır.
13) Namazda yemək və içmək.

Həmçinin, Namazın rüknlarını və ya vaciblərinin hər hansı birini bilərəkdən tərk edənin namazı batil olur. Bilməyərəkdən rüknlardan birini buraxan əlavə bir rükət də qılmalı, sonda səhv səcdəsi etməlidir. Vaciblərdən birini buraxan isə əlavə rükət qılmayaraq sonda səhv səcdəsi edir. Daha ətraflı: Səhv səcdəsi necə edilir?