Aleykum salam. Ömər İbn Xəttab haqqında ətraflı məlumat almaq üçün "Ömər ibn Xəttab" adlı məqaləni oxuya bilərsiniz. 

Aleykum salam. Əgər siz Allah Təalaya dua etməyi sevirsinizsə, bunun üçün namaz qılmaq və səcdədə Uca Allaha çoxlu dua etməkdən daha böyük fürsət yoxdur. Namaz qılan əslində heç bir əziyyət çəkmir. Namaz sadə hərəkətlərdən, müəyyən zikr və dualardan ibarətdir.

Aleykum salam. Dinimiz musiqiyə qulaq asmağı qadağan edir. 

Aleykum salam. Həqiqi müsəlman insanların onun dilindən və əlindən əziyyət görmədiyi insandır. Həmçinin, tək və Uca olan Allaha ibadət edərək yalnız Ona boyun əyən, habelə Peyğəmbərin (salləllahu aleyhi va səlləm) yolunu tutub gedən və Allah Təalanı çox xatırlayandır.

Aleykum salam. Quranı gecə oxumağın savabı daha çoxdur. Çünki gecə Quranı başa düşmək üçün daha layiqli vaxtdır. Uca Allah buyurur: "Ey libasına bürünüb örtünmüş peyğəmbər! Az bir hissəsi istisna olmaqla gecələr namaza dur! Onun yarısını, yaxud ondan bir az əskilt, və ya ona artır.

Aleykum salam. Həmin ayədə söhbət ayaqları yumaqdan gedir. 

Aleykum salam. Xeyr, olmaz. Müsəlman üçün qeyd olunası iki bayram vardır: Ramazan və Qurban bayramları.

Aleykum salam. İlk olaraq Uca Allaha dua edin ki, Quran sizin yadınızda qalsın. Sonra isə günahları tərk edin ki, Uca Allah da sizin yaddaşınızı gücləndirsin. Əks halda insan günah işlədərək Quranı əzbərləyə bilməyəcəkdir. Həmçinin, Quran oxumağın özü hafizəni gücləndirir.

Aleykum salam. Əgər siz bilsəniz ki, o insanın hərəkətini kiməsə danışsanız və o insan bundan xəbər tutsa, ona pis təsir edəcək, artıq onu danışmağınız qeybət sayılır. Yox əgər adi bir haldırsa və o insan xəbər tutub heç bir üzüntü çəkməyəcəksə, bu zaman danışa bilərsiniz. Həmçinin oxuyun:

Aleykum salam. Bu insanın niyyətindən asılıdır. Kim Allah Təalanın adını uca tutub torpaqları azad etmək üçün, həmçinin, canını, malını, ailəni qorumaq üçün vətənin müdafiəsinin keşiyində durduqda düşmən öldürərsə, savab qazanmış olar. Həmçinin, bu yolda öldürülərsə, şəhid sayılar.