Ad günü qeyd etmək olarmı?

    17.02.2014
Sual: 
Salam aleykum. Ad günü keçirmək barəsində səhih hədis yoxdur amma keçirtmək olmaz deyilən hədisdə yoxdu elə hədis var ki ad gününü haram desin?
Cavab: 

Aleykum salam. Quran və səhih hədislərdə olan dəlillər doğum gününü qeyd etmənin dində sonradan meydana gələn yeniliklərdən olduğunu və islam cəmiyyətində bunun heç bir əsası olmadığını göstərir. Şübhə yoxdur ki, doğum gününü qeyd etmək yəhudi və xristianların adət-ənənəsinə uymaq sayılır.

Quran və ya dua oxuyub savabını kiməsə hədiyyə etmək olarmı?

    17.02.2014
Sual: 
Salam aleykum. Dua və ya quran ayəsi oxuyub savabını hədiyyə etmək olar? Məsələn, duadan sonra, Allahım bu duanın savabını saleh adlı birnəfərə hədiyyə edirəm. Belə demək olar? Cavabı zəhmət olmasa bu e-mailə gönderin. [email protected]
Cavab: 

Aleykum salam. Bu Peyğəmbərdən sonra dinə gətirilən bidətdir (yenilikdir). Heç bir səhih hədisdə yaxşı əməl edib savabını kiməsə hədiyyə etmək buyurulmamışdır. Qurani Kərimdə və Peyğəmbərin hədislərindən aydın olur ki, insanın etdiyi əməllərin savabı və ya günahı yalnız özünə aiddir.

Namazlarımı vaxtında qıla bilmirəm, bu, günahdır?

    17.02.2014
Sual: 
Salam aleykum. Mən universitetdə oxuyuram, dərsim isə günorta başlayır. Buna görə də günorta, ikindi və axşam namazlarını qıla bilmirəm. Evə gəldikdən sonra qəzasını qılmaq düzgündürmü?
Cavab: 

Aleykum salam. Belə etməyiniz düzgün deyildir. Dərslər arası fasilə zamanı və ya icazə alıb namazları qılmaq lazımdır.

Səfər namazı haqqında

    17.02.2014
Sual: 
Salam aleykum. Mən Bakı şəhərindən Samara şəhərinə gəlmişəm, qalacağım müddət Allahın izni ilə təxminən üç ay olacaq. Mən burada səfər qılmalıyam? Salam aleykum va rahmatullahi va bərəkətu.
Cavab: 

Aleykum salam. Əgər qalacağınız müddət bəllidirsə, sizin üçün orada tam arxayınlıq və rahatlıq varsa, yaxşı olar ki, səfər yox, adi qaydada qılasınız. Lakin səfər namazı qılsanız, heç bir problem yoxdur. İslam alimləri belə deyirlər.

"İsmul-Azəm" duası necə oxunur?

    17.02.2014
Sual: 
Salam aleykum. Mən sizin sayta birinci dəfədir ki, sual yazıram, inşəAllah cavablandırarsınız. Sualım belədir ki, mənə ismi əzəm duası lazımdır. Xahiş edirəm bilirsinizsə mənə ərəbcə oxunuşunu yazardınız. Mən ərəb hərflərini bilmirəm. Mənə ərəbcə oxunuşu lazımdır. Çox xahiş edirəm mənə yazın o duanı. Mümkündürsə a-mailimə göndərin. Allah razı olsun.
Cavab: 

Aleykum salam. İsmul-A'zəm sözü əzəmətli ad deməkdir. Uca Allahın adları arasında ən əzəmətli adları vardır. Kim həmin adlarla Uca Allaha üz tutub dua edərsə, duası qəbul olunar.

İnsanın Cənnətə və ya Cəhənnəmə düşməsi nə vaxt bilinəcək?

    17.02.2014
Sual: 
Salam aleykum. Bu sual məni çox düşündürür. İnsanların cənnət və ya cəhənnəmə getməsi qiyamət günündə bilinəcək? Mənim eşitdiyimə görə qiyamət gününə kimi ölən insanlar Əraf adlanan yerdədirlər. Yalnız qiyamət günü hesabdan sonra insanların hara gedəcəyi bilinəcək? Bunu zəhmət olmasa izah edə bilərsiniz? İndidən çox sağolun. Allah razı olsun.
Cavab: 

Aleykum salam. İnsanların cənnətlik və ya cəhənnəmlik olması insan öldükdən sonra qəbirdə bilinir. Belə ki, əgər ölən şəxs mömindirsə, onun cənnətdəki yeri göstərilir və o, qiyamət gününün tez gəlməsini istəyir.

"Aleykum" nə deməkdir?

    16.02.2014
Sual: 
Salam. Eleykum ne demekdir?
Cavab: 

Aleykum salam. "Aleykum" sözü ərəb dilində Sizə, sizin üzərinizə deməkdir. Məsələn, salam verdikdə biz "əs-Səlamu aleykum" deyirik. Yəni "Sizə salam olsun" və ya "Üzərinizə Allahdan salamatlıq ensin" mənalarını ifadə edir.  

Pages