quran

Namazda və ya dəstəmaz aldıqda "Ayətul-Kursi"-ni oxumaq olar?

    17.02.2014
Sual: 
Salam aleykum. Secdede Ayetul Kursi-ni (əl Bəqərə surəsi, 255-ci ayeni) oxumaq olar ve hemchinin destemaz aldiqda da...
Cavab: 

Aleykum salam. Namazda qiyam halında əl-Fatihə surəsindən sonra istənilən surəni və ya ayəni oxumaq olar. Həmçinin "Ayətul-Kursi" (əl-Bəqərə, 255) bura daxildir. Lakin səcdədə surə və ayə oxumaq olmaz.

Əhli Beyt haqqında

    12.02.2014
Sual: 
Salam aleykum. Əhli-beyt barəsində verdiyiniz cavab məni qane etmədi. Siz dəlil olaraq quranı gətirirsiz və çox da düz dəlil gətirirsiniz. Amma nəzərə alsaq ki, əksər quran ayələri səhih hədislərlə aydın olur, onda gərək bu cür ixtilaflı mövzularda da səhih hədislərə müraciət olunsun. Məlum ayədə Allah Təala (c.c) Əhli-beytin pak və günahsız, çirkinliklərdən uzaq olduğunu bizə çatdırır. Amma mən sizin Təhrim surəsinin ilk ayələrinin qısa şərhini burada qeyd etdiyinizi gördüm və bu şərhin həmin ayə ilə tamamilə ziddiyyət təşkil etdiyi məlum olur.
Cavab: 

Aleykum salam. Quran ayələri arasında heç bir ziddiyyət yoxdur. Bu bütün ayələrə aiddir. Uca Allah buyurur: "Onlar Quran barəsində (onun Allah kəlamı olması haqqında) düşünməzlərmi?

Duanı hansı dildə oxumaq yaxşıdır?

    12.02.2014
Sual: 
Salam Aleykum. Men bilmek isteyirdim ki her hansi bir duani ereb dilinde oxumaq daha yaxwi olar, yoxsa tercumesini yeni azerbaycan dilinde oxumaq daha yaxwi olar? Neise bir ferq var hansi dilde oxunmagina gore? Bir de Quran kitabini oxumaga bawlamaq isteyirem inwAllah, Allahin izni ile. Tercumesini oxusam olar?
Cavab: 

Aleykum salam. Qurani Kərimdə və Peyğəmbərimizin (Allahın ona və ailəsinə salavatı və salamı olsun) hədislərində olan duaları, həmçinin, müəyyən ibadət zamanı edilən duaları ərəb dilində oxumaq yaxşıdır.

Qurani Kərimi öpmək olarmı?

    05.02.2014
Sual: 
Salam aleykum. Qurani öpmək olarmi?
Cavab: 

Aleykum salam. Şəriətimizdə Qurani Kərimi öpmək buyurulmamış və bu əməlin dində heç bir əsası yoxdur. Çünki, nə Peyğəmbər (salləllahu aleyhi və səlləm) nə də onun əshabələri (Allah onlardan razı olsun) Quranı öpməmişlər və nədəki belə bir şeyi buyurmamışlar.

Quranı ana dilimizdə oxuya bilərəm?

    30.01.2014
Sual: 
Salam aleykum. Qurani Kerimi basha dushduyum dilde yeni ki, oz ana dilimde oxumaya bileremr? Yoxsa ereb dilinde oxumaq lazimdir? Evvelceden teshekkur edirem.
Cavab: 

Aleykum salam. Bəli, Qurani Kərimi öz başa düşdüyünüz dildə oxuya bilərsiniz. Sadəcə yaxşı olar ki, əgər imkanınız və həvəsiniz varsa, ərəb dilində Quran oxumağı öyrənin və gün ərzində yavaş-yavaş oxumağa başlayın. Bu sizin üçün daha faydalı və savablıdır.

Allahın doxsan doqquz adlarını yazıb yastığın altına qoymaq olar?

    28.01.2014
Sual: 
Salam aleykum. Allahın 99 adını yazıb yastığın altına qoymaq olarmı?. Axşam qorxuram.
Cavab: 
Aleykum salam. Uca Allahın adlarını və ya hər hansı bir ayə, dua yazıb yastığın altına qoymaq və ya üstündə gəzdirmək olmaz. Çünki, Peyğəmbər (salləllahu aleyhi və səlləm) belə etməmiş və heç kəsə bunu öyrətməmişdir. O, hər bir kəsə bunları əzbərləməyi və oxuyaraq tətbiq etməyi buyurmuşdur.

Hamilə qadın bətnindəki övladının sağlam və əməli saleh olması üçün hansı surələri oxumalıdır?

    28.01.2014
Sual: 
Salam aleykum. Mən bilmək istərdim ki, hamilə olarkən ana əlini bətninə qoyub hansı sureleri oxumalıdır ki, uşağ sağlam xeyirli və tərbiyəli olsun?
Cavab: 

Aleykum salam. Şəriətdə xüsusi təyin olunmuş şəkildə bu məsələ üçün ayrıca hər hansı bir surə və ya dua növü mövcud deyil. Ümumən "Ayətul Kursi (əl Bəqərə, 255), "əl Fatihə", "əl İxlas", "əl Fələq", "ən Nas"  və digər bu kimi surələri oxuya bilərsiniz.

Dua və ya Qurandan surə yazıb onu üzərində gəzdirmək olarmı?

    27.01.2014
Sual: 
Salam aleykum. Qurandan sure yazib onu ustunde ve yaxin haradasa qoymaq gunahmi? Eyer gunahdirsa onu ne edim?
Cavab: 

Aleykum salam. Ümumiyyətlə mötəbər İslam alimlərinin fikirlərinə görə dua, surə, ayə asılmaz və ya gəzdirilməz. Əkisnə dua edilər, ayə və ya surə isə oxunular. Dərmanı gəzdirmək xəstəyə təsir etmədiyi kimi,  duanı və ya ayəni üzərində gəzdirmək də insana təsir etmir.

Quran avazının sədaları altında namaz qılmaq olarmı?

    27.01.2014
Sual: 
Salam. Meni bir sual maraqlandirir. Menim telefonumda bele bir proqram var. QURAN sureleri hem yazili shekilde gorsenir, hemde sesli formada oxunur. Menim o proqramdan chox xoshum gelir. O proqramin sayesinde AYETUL KRSİNİ rahat oyrenirem. Men o surelere qulaq asanda ichimde bir heves yaranir ki, durum namaz qilim. Ama teessufler olsun ki, hele qilmiram. Men bilmek isteyirem ki, hemin proqami qoshum surelerde oxusun ve mende bu shekilde namazmi qilim. Bunun nese gunahi var? Yeni Quranin surelerinin sedasi altinda namaz qilmaq gunahdir?
Cavab: 

Aleykum salam. Dediyiniz şəkildə namaz qılmaq, əlbəttə ki, günah sayılmaz. Əgər sizə belə rahatdırsa və siz bu şəkildə namaz qılmağa həvəslənirsinizsə, bunda şəriətlə heç bir eyb yoxdur. Əsas odur ki, kənardan gələn səs və başqa şeylər, namaz qılan şəxsin fikirini qarışdırmasın.

Pages