İslam dininə görə qadın necə olmalıdır?

Aleykum salam. Qadın yaradılış baxımından kişiyə nisbətən daha zəif xəlq edilmişdir. Buna görə də, Uca Allah qadını daima himayə etməyi buyurmuşdur. Bu himayəçilik qadın ərə getməmişdən əvvəl atasının, qardaşının və ya ata tərəfdən qohumlarının üzərinə, ərə getdikdən sonra isə ərinin üzərinə düşür. Bunun müqabilində qadın da himayəsində olduğu kişiyə (ata, qardaş, əmi, ər və s.) itaət etməlidir. Ərə getdikdə isə, Allaha itaətdən sonra qadının üzərinə düşən ən vacib əməl ərinə itaət etməkdir. Uca Allah bu xüsusda buyurur: "Kişilər qadınlar üzərində ixtiyar sahibidirlər. Bu, Allahın onlardan birini di­gərin­dən üstün etməsi və (kişilərin) öz mal­larından (qadınlar üçün) sərf etməsinə görədir. Əməlisaleh qa­dın­lar itaətkar olub qo­run­ması la­zım gələn şeyləri Allahın hi­mayə­si sa­­yəsində qo­­­ruyanlardır". (ən-Nisa, 34).
Təfsirçi alim İbn Kəsir bu ayənin izah edərkən demişdir: "Uca Allahın "Əməlisaleh qa­dın­lar itaətkar olub..."  ayəsi haqqında İbn Abbas və digər alimlər belə demişlər: "Yəni, ərlərinə itaətkar olub "...qorunması la­zım gələn şeyləri Allahın hi­mayə­si sa­­yəsində qo­­­ruyanlardır". əs-Suddi və başqaları bu ayənin təfsirində demişlər: "Ərləri yanlarında olmadıqda, onların namusunu və malını qoruyarlar". "Allahın himayə­si sa­­yəsində", çünki qorunmuş olan ancaq Allahın himayə etdiyidir.
Əbu Hureyra (Allah ondan razı olsun) rəvayət etmişdir ki, Peyğəmbər (Allahın ona və ailəsinə salavatı və salamı olsun) demişdir: "Qadınların ən xeyirlisi odur ki, ona nəzər saldıqda sevinirsən, ona bir şey buyurduqda itaət edər, yanında olmadıqda isə sənin namusunu və malını qoruyar". Sonra Peyğəmbər Uca Allahın: "Kişilər qadınlar üzərində ixtiyar sahibidirlər" - ayəsini sonuna qədər oxudu". (Musnəd İmam Əhməd, 7415; Mustədrak əl-Hakim, 2/161; Sunən ən-Nəsəi, 2/72). 
Abdurrahmən ibn Avf (Allah ondan razı olsun) rəvayət etmişdir ki, Peyğəmbər (Allahın ona və ailəsinə salavatı və salamı olsun) demişdir: "Qadın beş vaxt namazını qılar, Ramazan orucunu tutar, övrət yerini zinadan qoruyar və ərinə itaət edərsə, (Qiyamət günü) ona: "Cənnətin hansı qapısından istəyirsənsə, daxil ol!" - deyilər". (əl-Musnəd İmam Əhməd, 1661)."

Müsəlman qadın bu xüsusiyyətlərə yiyələnməlidir:

Birincisi: Qadın Allahın ona vacib etdiyi əməlləri yerinə yetirməlidir. Bu əməllərin ən vacib olanı beş vaxt namazdır. Çünki namaz qulu Allaha yaxınlaşdıran ən əzəmətli ibadətdir. Daha ətraflı məlumat almaq üçün bu məqalələri oxuyun:
Namaz ən fəzilətli ibadətdir!
Namaz bir nurdur
Namaz qılmağın qaydası - VİDEO