qadınlar

Hicabı ərimə görə bağlamışam deyə indi açmaq istəyirəm...

    03.08.2025
Sual: 
Salam. 2 ildi hicab taxiram. Amma yoldasimin isteyi ile. Ozu dindar deyil yani dinle mesgul deyil amma men 12 yaşımdan namaz qalıram sadece hicaba gec girdim. Lakin bunu mecburi etdim. Indide sacim tokulur, sehhetim buna yol vermir. Hicabida isteyerek taxmamiwam deye icimde subheler var. Men hicabdan cixsam gunah qazanmis olaram? Bu duzgundur sizce?
Cavab: 

Və aleykum Salam. İnsan hər bir ibadəti yalnız Allah üçün, Allahın rizasını qazanmaq üçün etməlidir. Lakin ola bilər ki, insan hər hansı bir əməli əvvəlcə başqasına görə etsin, lakin sonradan bunun səhv olduğunu dərk edib niyyətini dəyişsin.

Qadın üzünə tanal effektli nəmləndirici istifadə edə bilərmi?

    01.08.2025
Sual: 
Qadın üzündə rəngli (tanal effektli) nəmləndirici istifadə edə bilər? Məhsul dərini daha hamar və qüsursuz göstərir. Bu makyaj sayılır? Naməhrəmlərin qarşısına çıxa bilər?
Cavab: 

Əssələmu aleykum. Əgər sualda qeyd etdiyiniz nəmləndirici sifəti daha da cəlbedici edirsə, bu kosmetika sayılır və belə nəmləndirici vasitələri naməhrəmin qarşısına çıxarkən vurmaq qadağandır. Həmçinin oxuyun:

Kişi həyat yoldaşını hicabı açdığına görə boşaya bilərmi?

    29.07.2025
Sual: 
Salam. Evlənəndə hicabsız idim, sonra öz istəyimlə keçdim. Amma 7 aydan sonra artıq hicabı açmaq istəyirəm, lakin digər fərzləri yerinə yetirirəm. Yoldaşım isə deyir ki hicabı açsan səni boşayacam. Buna görə boşamaq olar?
Cavab: 

Və aleykum Salam. Bu cavabı oxuyun:

Qadın hicabını açdığı təqdirdə ərinin onu boşamaq haqqı varmı?

Heyz ağrıları ilə yanaşı qadından gələn qəhvəyi axıntı heyzdən sayılırmı?

    25.07.2025
Sual: 
Salam. Məndə qeyri normal aybaşı olur, yəni vaxtlı vaxtında olmuram gecikmələr olur. Daha çox qəhvəyi axıntılar var. Hal hazırda aybaşı olmalı olduğum vaxtdan 14 gün keçib. Yəni 14 gündü gecikir. 4-5 gündü az az qəəhvəyi axıntım var. Amma mən təmizlənib qılırdım. Bugün lap çoxalıb. Düzü təmizlənmək və dəstəmazı saxlamaq çox çətin olur. Əlacsız qalmışam neyləməli olduğumu bilmirəm. 1-2 həəftə əvvəl ağrəlarım olub amma indi ağrım yoxdu. Xahiş edirəm köməklik edəsiz.
Cavab: 

Və aleykum Salam. Heyzdən əvvəl gələn qəhvəyi (qana bulaşmış) axıntılar heyzdən sayılır. Əgər heyz ağrıları ilə yanaşı belə axıntılar olarsa, bu halda bu, heyz sayılır və siz bu axıntılar dayanana qədər namazı saxlamalısınız. Həmçinin oxuyun:

Qadın hicabını açdığı təqdirdə ərinin onu boşamaq haqqı varmı?

    25.07.2025
Sual: 
Salam. Yoldaşımla evlənəndə hicablı deyildim amma namaz qılırdım. Daha sonra öz istəyimlə hicaba keçdim lakin 7 aydan sonra artıq açmaq istəyirəm, lakin fərz olduğunu qəbul edir, digər fərzləri də yerinə yetirirəm. Özüm də hicabım olmasa da sadə və qapalı geyinəcəyimi deyirən. Yoldaşım isə deyir ki hicabı açsan səni boşayacam. Halbuki evlənmədən belə şərti yox idi. Bu səbəbdən boşamaq olarmı?
Cavab: 

Və aleykum Salam. Hicab geyinməmək və ya geyindikdən sonra hicabı açmaq böyük günahlardandır və Cəhənnəm əzabına səbəb olan əməllərdəndir. Hicabı açmaq qərarına gəlməyiniz imanın azalmasından irəli gəlir.

Qadın Bakıdan üç saatlıq məsafədə olan yerə məhrəmsiz gedə bilərmi?

    19.07.2025
Sual: 
Əssələmu Aleykum. Qadın məhrəmsiz nə qədər yol gedə bilər? Məsələn bakıdan qəbələyə 3 saatlıq yoldur. Və yaxud 1 saatlıq 1 saat yarımlıq məsafə.Bu məsafəni gedib gələ bilərmi? Həmçinin gedib orda qalıb səhər qayıda bilərmi?
Cavab: 

Və aleykum Salam. Qadın məhrəmsiz səfərə çıxa bilməz. Səfər isə yaşadığın şəhəri və ya ölkəni tərk etməkdir. Getdiyi yolun zamanından asılı olmayaraq səfər niyyəti ilə Bakıdan çıxan qadın artıq müsafir sayılır və məhrəmsiz getməsi haramdır. Ətraflı oxuyun:

Hamiləlik səbəbindən qadından gələn axıntı qüslü pozmurmu?

    19.07.2025
Sual: 
Salam çox üzür istəyirəm sualıma görə hamiləlikdə dayanmadan xeyli miqdarda olan axıntı qüslu pozurmu dəstnamaz alıram namaz qılarkən belə axıntı oluğun hiss edirəm namazı qılıram amma heç içim rahat deyiyil
Cavab: 

Və aleykum Salam. Hamiləlik səbəbindən qadından gələn hər hansı bir axıntı qüslü pozmur. Sadəcə dəstəmaz alıb namazları qılmaq lazımdır. Əgər axıntı arası kəsilmədən gəlirsə, siz üzrlü sayılırsınız.

Aşura orucu qəza edilirmi?

    17.07.2025
Sual: 
Salam.Məhərrəm ayının 9cu günü oruc tutdum.Aşura günü isə heyz qanı olduğundan tam əmin olmadığım qan gəldi.Bu halda orucu açmaq düz hərəkətdi?Heyz qanı olsa və ya olmasa hökmü nədir?Qəza etməliyəm?Və bu cür hal məni açığı kədərləndirdi çox istəyirdim tutmağı,bunun günahlarla orucumun qəbul olmaması ilə əlaqəsi varmı?
Cavab: 

Və aleykum Salam. Heyzdən əvvəl gələn qanla bulanıq axıntı heyzdən sayılır. Aşura günü və ondan bir gün əvvəl və ya sonra oruc tutmaq vacib deyi, müstəhəbdir. Odur ki bu orucu tuta bilməyən şəxs onu qəza etmir.

Pages