təmizlənmə

Sünnət olunmaq vacibdirmi?

    06.12.2014
Sual: 
Salam. Oglan usaqlari sunnet olmasa ( tibbi dilde desek fimoz emeliyyati olunmazsa) muselman sayilmir? Niye dinde sunnet olunmaq vacib meselelerdendir? 2ci sual.bezi quran kitablarinda el maide suresi 6ci ayede ayaqlara qabariq yere qeder mesh cekmek, bezilerinde topuga qeder yumaq gosterilib.hansini duzgun qebul edek ve niye?
Cavab: 

Aleykum salam. Sağlamlığı buna imkan verən oğlan uşaqlarının sünnət olunması vacibdir.

Qadın heyz halında nələri edə bilməz?

    29.11.2014
Sual: 
Salam. Çox üzr istəyirəm sualıma görə. Heyzli halda dua etmək gunah sayılmır ki? Yəni ki, üzümü qibləyə çevirib dua edə və ya qurandan hansısa duani əzbər oxuya bilərəm belə vəziyyətdə?
Cavab: 

Aleykum salam. Qadın heyz (aybaşı) halında Uca Allaha dua edə, zikr edə, hətta Quranı əlinə almadan əzbərdən oxuya da bilər. Bu ona görədir ki, əzbər bildiklərini unutmasın.

Ayaqqabı ilə gəzilən evin döşəməsi nəcis ola bilərmi?

    29.11.2014
Sual: 
Salam Aleykum. Qardaşım hərdən işə tələsəndə nəsə yadından çıxanda koridorda ayaqqabılı gəzir. Və mən də ayağımı hamamda yuyub otağa keçmək üçün koridordan keçirəm. Koridoru süpürürəm. Amma əgər orada çöldən ayaqqabının altında nəcasət gələrsə bu ayağımı nəcis edər? Və bilmək istəyirəm ki koridoru hər gün nəm əsgiylə silməliyən? Mən indiyə kimi namazlarımı bu vəziyyətdə qılmışam. Yəni ayaqlarım nəm halda koridordan keçib otağa gəlmişəm. Görəsən bütün dəstəmazlarım batildirmi?
Cavab: 

Aleykum salam. Evin döşəməsində nəcis gözlə görünürsə və ya iyisi hiss edilirsə, mütləq silinməlidir. Digər hallarda isə adətiniz üzrə yığışdırmanız kifayət edir.

Yuxuda cunub olmaq barədə

    27.11.2014
Sual: 
Salam. Yuxuda cünub olmaq lakin məni ifraz olunmaması qüslu gərəkdirərmi?
Cavab: 

Aleykum salam. Qeyd etdiyiniz hal cünub sayılmır, çünki cünub dedikdə oyaq və ya yuxuda olarkən şəhvətlə məni (sperma) ifraz olunmuş hal nəzərdə tutulur. Bu halda qüsl almaq vacibdir, siz dediyiniz halda isə ehtiyac yoxdur. Daha ətraflı:

Qüsl alandan sonra ayaqyoluna getdikdə, namaz üçün yenidən dəstəmaz alınmalıdır?

    19.11.2014
Sual: 
Salam qusl aldiqdan sonra tualete girdikde sonra destamaz alib namaz qilinmalidir yoxsa hemin qusulla qilmaq olar
Cavab: 

Aleykum salam. Ümumən cənabət, heyz və nifas qüslu dəstəmazı əvəz edir və ondan sonra dəstəmaz almağa ehtiyac yoxdur. Lakin qüsl alıb qurtardıqdan sonra ayaqyoluna gedəndə dəstəmaz pozulur və namaz qılmaq üçün dəstəmaz almaq lazımdır. 
Daha ətraflı:

Qadın körpə uşağı yuyundurub altını dəyişdirdiyi üçün namaz qılmaya bilərmi?

    19.11.2014
Sual: 
Salam menim sualim beledi.Men hicab taxiram, bir ovladim var ve o biri ovladimda insallah Allahimin komekliyi ile dekabr ayinda duunyaya gelecek. Men azad olandan sonra pak olduqdan sonra namaza baslamaq isdeyirem, mene deyirlerki sen usaqlarin pampireslerini deyisib onlari yuyunduracaqsan sene namaz qilmaq olmaz, sen mundar olursan bu ne derecede duzgundur menki usdume basimi cirklendirmiremki, ellerimizi sonra yuyuruqda zehmet olmasa mene namaz qilmaqa icaze var olar usaqlar korpede olsa tesekkur edirem!
Cavab: 

Aleykum salam. Allah sizin övladlarınızı salehlərdən etsin. Heç bir halda namaza fasilə vermək və ya tərk etmək olmaz. Uşağı yuyundurmaq, onun altını dəyişdirmək və s. insanı murdar etmir və ya dəstəmazı pozmur, çünki dəstəmazı pozan amillər arasında bu yoxdur.

Ətirin ağıza getməsi insanı murdar edib qüslu pozurmu?

    16.11.2014
Sual: 
Salam. Mən ibadət əhliyəm. Bir neçə gündür xəstələnmişəm. Namaz qılanda burnum axır. Anam dedi ki, burnumun içinə ətir vurum ki mikroblar ölsün. Mən də etdim və bu zaman asqırmağa başladım və spirt burnumdan axıb ağzıma töküldü. Tüpürdüm amma məncə boğazıma da daxil oldu. Mən murdar sayılırammı və qüsl almalıyammı?
Cavab: 

Aleykum salam. Qeyd etdiyiniz hal insanı murdar etmir və dəstəmazını və ya qüslunu pozmur.
Daha ətraflı:
Qüsl necə alınır və onu pozan amillər hansılardır?

Qüsl almamış dua etmək olarmı?

    16.11.2014
Sual: 
Salam bir nece sualima cavab vermisiz tsk xais edirem bu sualimi da cavablandirasiz Sualim beledi bilmirem nece yazim ki düzgün bawa duwesiz mene wehvet hissi geldikden sonra (meni) xaric edirem bundan sonra qüsl almamiw dua ede bilerem?
Cavab: 

Aleykum salam. Əvvəlcə deyək ki, etdiyiniz şey haramdır. Daha ətraflı: Masturbasiya etməyə icazə verilir?
Qüsl olmadan dua etmək olar, amma qüsl və dəstəmaz olan halda dua etmək daha yaxşıdır və duanın ədəblərindən sayılır.

Pages