təmizlənmə

Burunun bir tərəfinə su getməsə dəstəmaz sayılırmı?

    02.05.2022
Sual: 
Salam aleykum destemaz alanda burunu vir terefine su getmese destamaz satilirmi?mende gunde burun tutuq olur bir terefi qrip formada bir twrefe gedir su bir terefe getmir. Deyirler barmaqla hemin hisseni islada bilerem bu duzgundu?
Cavab: 

Va aleykum Salam. Dəsətəmaz alanda buruna su almaq vacibdir və buruna su almaq üzü yumaqdan sayılır. Əgər burunun bir tərəfi tutulubsa, dəstəmaz alarkən bacardığınız qədər buruna su alın. Suyun burunun dərinliyinə çatması şərt deyil. Əgər bir dəliyə su az girərsə, bu üzürlü sayılır.

Qüsl aldıqdan sonra övrət yerində məni qalarsa yenidən qüsl almaq lazımdırmı?

    01.05.2022
Sual: 
Əssələmu aleykum. Cənabət qüslü alıb qurtardıqdan sonra namazı qıldım və ayaqyoluna gedəndə gördüm ki üzr isdiyirəm cinsiyyət üzvümün üsdündə bir balaca məni quruyub qalıb, çox güman ki qüsl alanda tam fikir verməmişəm ama cinsiyyət üzvümü yumuşdum. Mən yenidən cənabət qüslü etməliyəm? CəzəkəAllahu xayran
Cavab: 

Va aleykum Salam. Yenidən qüsl almağa və namazı təkrar qılmağa ehtiyac yoxdur. Sadəcə cinsiyyət üzvünü yuyun və növbəti namazlar üçün dəstəmaz alın. Həmçinin oxuyun:

Cinsi yaxınlıqdan həzz almayana qüsl etmək vacibdirmi?

    01.05.2022
Sual: 
Salam.yoldasimla munasibetdeyken cox zaman hezz almiram ve o isteyir deye munasibetde oluram.cox az yapiskan su kimi bir sey olur.daha etrafli yaza bilmerem amma men qüslümün pozulmadigini düşünürəm.namaz üçün qüsl almaliyam bele olduqda? Teyemmum etdim bir nece defe her gün duş almamaq üçün.sonra birden yanlis ederem dusunurem cavablayardiz zehmet olmasa.etikadan kenar sual verdiyim üçün üzr isteyirem.
Cavab: 

Va aleykum Salam. Tərəflərdən biri həzz almasa və ya sperma gəlmiş olmasa belə, cinsi əlaqədən sonra qüsl almaq vacibdir. Əgər xəstəlik səbəbindən qüsl almaq mümkün olmasa, və ya qüsl etmək xəstələnməyə səbəb olacaqsa, bu halda təyəmmüm etmək icazəlidir. Ətraflı oxuyun:

Məzi və məni necə fərqləndirilir?

    01.05.2022
Sual: 
Əssələmu aleykum . Bu suala görə üzr istəyirəm . Yuxuda olarkən alt geyiminin bulaşarsa məni ilə məzi olduğunu necə bilmək olar ?
Cavab: 

Va aleykum Salam. Məzi spermadan əvvəl gəlir və az miqdarda şirəli rəngsiz mayedir. Məzinin çıxması qüslü vacib etmir. Sperma (məni) isə qatı, çox miqdarda, sürətlə çıxan mayedir. Sperma çıxdıqdan sonra insan boşalır və ehtirası sona çatır.

Qüsl almadan uşağa süd vermək olarmı?

    29.04.2022
Sual: 
Salam menim 2 aylıq körpem var ve 2 aydır yoldaşımla elaqede ola bilmirik körpəm geceleri yatmır qüsulda almaq heç cüre mümkün deyil ailede çoxuq qüzullu qalmaq günahdır? ve qüsullu iken uşağa süd vermek olar?
Cavab: 
Va aleykum Salam. Qüsl almadan uşaq əmizdirməyi qadağan edən hökm yoxdur. Dinimiz qüsl almaq mümkün olmadığı təqdirdə təyəmmüm etməyi buyurmuşdur.

İt saxlanılan evə qonaq getmək və bu evdə namaz qılmaq olarmı?

    28.04.2022
Sual: 
Salam aleykum. Əger bizi qohumlarımız qonaq çağırıblarsa, amma evlərində it var, o eve getmek olar? Orda namaz qılmaq olar? İti başqa otağa salıblarsa, axı biz bilmirik biz namaz qılan yerdə və ya oturduğumuz yerdə o it olub ya olmayib, zəhmət olmasa bu barədə məlumat verərdiz.
Cavab: 

Va aleykum Salam. İt saxlanılan evə getmək qadağan olmasa da, müsəlman özünü itin ağız suyuna bulaşmaqdan qorumalıdır. Namaza gəlincə əgər namaz qıldığınız yerə itin nəcisi, sidiyi və ya ağız suyu dəyməyibsə, bu yerdə namaz qıla bilərsiniz.

Sübh namazının çıxmağına az qalmış yuxudan oyanan təyəmmüm edib namaz qıla bilərmi?

    28.04.2022
Sual: 
as-Salamu aleykum. Sübh namazına oyandıqda görürsən ki, 5 dəqiqəyə vaxtı çıxacaq, dəstəmaz alsam gecikəcəm, təyəmmüm almaq olar elə anda?
Cavab: 

Va aleykum Salam. Belə vəziyyətdə namazın vaxtı çıxmış olsa belə dəstəmaz almalısınız. Belə halda təyəmmüm etmək olmaz. Həmçinin oxuyun:

Sidiyini yatağına bulaşdıran xəstə həmin yataqda uzanaraq namaz qıla bilərmi?

    28.04.2022
Sual: 
Salam aleykum. Xəstəlik səbəbilə yatdığı yerə sidik çıxaran insan nyatdığı yerdə dua edə bilərmi? Həmin yerdə uzandığı halda namaz qıla bilər?
Cavab: 
Va aleykum Salam. Əgər insan xəstəlik səbəbindən sidiyini saxlaya bilmirsə bu halda o, hər namaz vaxtı üçün dəstəmaz alır və bundan sonra növbəti namazın vaxtı girənə qədər paltarına və ya yatağına bulaşmış sidik onun üçün üzürlü sayılır, bu halda dua edib namaz qıla bilər.

Pages